Iyada oo Chelsea iyo West Ham ay ahaayeen kooxaha la sugayay in ay ciyaaraan kulamadii ugu danbeeyay ee ka hadhsanaa wareegii 16 ka kooxood ee Carabao Cup, waxaa hadda la ogyahay dhamaan siddeeda kooxood ee loo samayn doono isku aadka wareega shanaad ama siddeed dhamaadka ee Carabao Cup.

Haddaba goormaa la samayn doonaa isku aadka wareega shanaad ee Carabao Cupka?

Wareega shanaad ee Carabao Cup ayaa ka kooban siddeed kooxood iyada oo lix kooxood ay wareegan u soo gudbeen habeenimadii talaadadii halka Chelsea iyo West Ham ay noqdeen kooxaha arbacadii ciyaaray ee liiskan soo dhamaystiray.

Waxaa isku aadka wareega shanaad ee Carabao Cup la samayn doonaa galabnimada khamiista ee  October 26 marka ay saacada London tahay 4:00 PM iyada oo ku beegan 6:00 PM galabnimo ee saacada Geeska Afrika.

Waxaa isku aadka samayn doona xidigii hore ee Cricket-ka ee Phil Tufnell iyo xidigii hore ee ree England ee soo ciyaari jiray ciyaarta Rugby-da ee Matt Dawson kaas oo kubbadaha yar yar ee isku aadka lagu samayn doono soo saari doona.

Kulamada siddeed dhamaadka ee Leaque Cupka ama Carabao Cupka ayaa la ciyaari doonaa usbuuca ka bilaamaya  December 18 iyada oo ku soo aadi doonta waqtiga ay la ciyaarayo kulamada mashquulka badan ee Premier Leaque. Man United ayaa ah kooxda koobkan difaacanaysa ee xili ciyaareedkii hore Southampton kaga soo guulaystay.

Kooxaha Isku Aadka Wareega Shanaad Ee Carabao Cupka:

1-Manchester United

2-Arsenal

3-Manchester City

4-Bournemouth

5- Bristol City

6- Leicester City

7-Chelsea

8- West Ham United

 

Halkan Kaga Bogo Kulamada Ugu Xiisaha badan Ee Isku Aadka Wareega Shanaad Ee Carabao Cup ka soo bixi kara ee ay suurtogalka tahay in siddeed dhamaadka la ciyaari karo:

Mancheser United vs Manchester City

Manchester United vs Arsenal

Manchester City vs Arsenal

Manchester United vs Chelsea

Manchester United Vs West Ham

Manchester City Vs Chelsea

Manchester City Vs Westa Ham

Arsenal Vs Chelsea

Arsenal Vs West Ham

Chelsea Vs West Ham