Daawo Sawirro: Munaasabadda 1-da Luulyo oo xalay si weyn looga xusay Muqdisho

Visits: 871
(Rating 0.0/5 Stars) Total Votes: 0
0 0
Share via Social Media

Daawo Sawirro: Munaasabadda 1-da Luulyo oo xalay si weyn looga xusay Muqdisho

Munaasabadda lagu xusayay 1-da Luulyo ee 57-guuradii ka soo wareegatay xornimadii Gobolada Koofureed iyo is raacii Gobolada waqooyi iyo Koofur ayaa xalay ka dhacday magaalada Muqdisho, gaar ahaan xarunta Aqalka dowladda Hoose.

Share

Munaasabadda lagu xusayay 1-da Luulyo ee 57-guuradii ka soo wareegatay xornimadii Gobolada Koofureed iyo is raacii Gobolada waqooyi iyo Koofur ayaa xalay ka dhacday magaalada Muqdisho, gaar ahaan xarunta Aqalka dowladda Hoose.

Munaasabaddan oo aheyd tii labaad ee maalmaha xoriyadda oo uu si heer sare ah u soo agaasimay Maamulka Gobolka Banaadir ayaa ka duwaneyd munaasabadihii horay dalka looga qaban jiray.

Waxaa munaasabadan ka soo qeyb galay Madaxweynaha Soomaaliya Maxamed C/llaahi Farmaajo, Ra’iisul Wasaaraha, Guddoomiyaha Maxkamadda Sare, Guddoomiye kuxigeenka labaad ee Baarlamaanka, Ra’iisul Wasaare kuxigeenka, Wasiiro, Guddoomiyaha Gobolka Banaadir ahna Duqa Muqdisho, xildhibaanada labada Gole iyo Safiiro.

Abaarihii 12-ka habeenimo, markii ay ku taagneyd ayaa la saaray Calanka Soomaaliya, waxaana mar kaliya is qabsaday dabaal degyo iyo bulleer cirka loo ridayay, kaasoo bixinayay midibyo kala duwan.

Madaxda dowladda ayaa khubad ku aadan xoriyaddii la helay 1960 ka jeediyay munaasabada, waxaana munaasabada ay ku soo gaba gabowday jawi nabdoon.