Wakiilka Qaramada Midoobay ee Soomaaliya, ayaa shaaciyay inay haboon tahay doorashada inay dhacdo ka hor sanadka cusub ee 2017.
Sidoo kale wuxuu ku baaqay in si dhaqso ah loo xaliyo tabashada maamulka Puntland uu ka qabo doorashada xildhibaanada aqalka sare ee gobolada waqooyi taasi oo uu ku tilmaamay inay dib u dhac kale keeni karto.
Dhinaca kale wuxuu si dadban u sheegay in beesha caalamka aysan ka niyad jabi doonin doorashada haddi ay gaarto sanadka cusub ee 2017.
Ugu dambeyn wuxuu ugu baaqay madaxda maamul goboleedyada inay saxiixaan xildhibaanada lasoo dhameystiray si ay doorashada madaxweynaha iyo gudoonka baarlamaanka ugu gudbaan.
Micheal Keating "Kama niyad jabeyno doorashada haddii ay gaarto 2017, balse yey dhicin"
Wakiilka xoghayaha guud ee Qaramada Midoobay u qaabilsan Soomaaliya ayaa war qoraal ah kasoo saaray doorashada madaxweynaha iyo gudoonka baarlamaanka, isaga oo ka digay dib u dhac kale oo ku yimaada doorashada.