Khaalid Cumar Cali ayaa lagu tirin jiray ragga daacada u ah Shariif Xasan Sheekh Aadan Madaxweynaha Maamul koonfur galbeed lamana oga guuldaradan inay tahay mid la qorsheeyay iyo mid si aan ku talagal ahayn u dhacday.

Sidoo kale waxaa maanta la doortay oo ku guuleystey kuraasta Aqalka Hoose xildhibaanada kala ah:-

Danjire C/laahi Sheekh Ismaaciil/ Dir/Biimaal/Ismiin oo helay 51 Cod.

C/laahi Cumar Abashir /Dir/Biimaal/Ismiin /51 Cod

Sayid Cali C/qaadir Macalin /Digil/ Jiido/Safar/ 49 cod

Magaalada Baydhabo oo ah halka ugu badan ee kuraasta Aqalka Hoose laga soo dooranayo ayaa si dardar leh uu ku socdaa doorashadeeda iyadoo maanta oo Jimce ahay aan loo nasan.

Kooramka loo baahan yahay in uu go’aan ka gaaro xilliga doorashada oo ah 180 ayaa waxaa haatan ka dhiman 31 mudane oo kaliya iyadoo lagu wado in berri ay ka dhacdo doorashooyinka Aqalka Hoose magaaloyinka Jowhar,Cadaado iyo Garowe.

Maxamed Saciid Abdullaahi ayaa ka guuleystay Khaalid Cumar Cali oo 12-kii sano ee u dambeeyay ku fadhiyay Kursiga Beesha Bagadi