Shabaabka waxa ay soo bandhigeen cod laga duubay ka hor inta uusan isqarxin Ex Xildhibaan Saalax Badbaado, oo uu kaga hadlaayay falkii uu ku jiray, isaga oo diray digniino kala duwan.

Saalax Badbaado oo da’diisa ay aheyd 57 sano jir ayaa horay isugu dhiibay Ururka Al Shabaab, kadib markii uu u tagay Ururkaasi una sheegay inuu ka towbad keenay falkii uu ku jiray.

Codka laga duubay Saalax Badbaado ayaa fariin wuxuu ugu diray Dowladda Federalka Somaliya oo uu sheegay wadada ay ku taagan tahay inay tahay mid qaldan.

Dowladda Federalka Somaliya weli kama aysan hadlin jiritaanka xaqiiqda warkaan ka soo yeeray Ururka Al Shabaab ee ah inuu isqarxiyay Saalax Badbaado.

Dadka reer Muqdisho ayaa si aad ah u hadal haayo arintaan ku saabsan inuu isqarxiyay Xildhibaan hore oo ka tirsanaa Baarlamaanka Somaliya, gaar ahaan Baarlamaankii KMG.

Ruuxii kale ee isna isqarxiyay ayeey Shabaabka ku sheegen inuu ahaa 21 sano jir dhalinyaro ah, aduunkana ka doortay inuu Isqarxiyo.