0 
Dadka mudaharaadayey ayaa kasoo jeeda qawmiyada Hazara oo ka cabanayey xukuumada talada heysa iyo dhibaatooyin ay u geysteen ciidamada dowlada Afghanistan.
Kooxda Daacish ayaa sheegatay inay iyadu ka danbeysay weerarkan, isla markaana uu ahaa weerar Ismiidaamin ah oo ay labo qof fuliyeen.
Warar soo baxaya ayaa sheegaya in Qaraxa 1aad loo adeegsaday gaari loo ekaysiiyey inuu gadayo Jalaato oo kadib lagu qarxiyey dadkii goobtaasi ku sugnaa, qarax 2aadna uu fuliyey qof sitaya bambaano.
Warbaahinta oo muuqaal ka duubaysay dadka xilliga Banaanbaxa ay dhigayeen, ayaa la kulmay qaraxa, waxaana la arkaayay qiiq iyo Uuro cirka isku shareertay oo qaraxa ka dhashay.
Dadka dhaawacmay ayaa xaaladooda caafimaad lagu dabiibayaa goobaha caafimaadka ee dalkaasi.
Madaxweynaha dalka Afghanistan, Ashraf Gani si adag u cambaareeyay falkaasi lala beegsaday dadka mudaharaadka dhigaayay.
Facebook
Twitter
Youtube
Google+
RSS Feed
Daacish oo sheegatay masuuliyada Qaraxyo lagu laayay 80 ruux 230 qofna lagu dhaawacay (SAWIRRO)
Wasiirka Arimaha Gudaha dalka Afghanistan, ayaa xaqiijiyay tirada dhimashada inay gaartay 80 ruux, halka dhaawacana uu gaaray 230 qof oo ka mid ahaa dadkii ku mudaharaadaayay Caasimada Kabul, kadib qarax lala beegsaday.