Ciidamadan ayaa qeyb ka noqonaya ciidamo horay ay u tababareen Ciidamada Mareykanka ee ku sugan Soomaaliya, kuwaasoo muddooyinkii la soo dhaafay howl gallo qorsheysan ka fuliyay deegaanada ay gacanta ku hayaan Al-Shabaab.

Madaxweynaha oo ay wehliyeen Taliyeyaasha Ciidamada xoogga dalka iyo Cirka ayaa si rasmi ah tababar ugu soo xiray cutubto ka tirsan Ciidanka Kumaandooska, kuwaasoo dhoolatus milateri ku soo bandhigay xerada gudaheeda.

Madaxweynaha ayaa ku ammaanay Ciidamada Kumaandooska inay yihiin ciidamo udub dhexaad u ah howl galada ka dhanka ah Al-Shabaab, waxaana uu xusay in tababarkan uu muhiim u yahay xoojinta amniga dalka.

Waxaa uu kula dar daarmay Ciidamada inay u istaagaan difaaca dalka, isla markaana isu diyaariyaan sidii Al-Shabaab dalka looga saari lahaa.

Waa markii u horeysay oo uu Madaxweynuhu gaaro garoonka diyaaradaha Balli-Doogle oo xilligan saldhig weyn ay ku leeyihiin Ciidamo Mareykan ah.