"Allaha u naxariisto walaal waa uu geeriyooday Shay Mire Dacar. 3-dii galabnimo ayuu ku geeriyooday hoygiisa oo ku yaala xaafadda boqol iyo kontonka. Muddooyinkii ugu dambeysayba wuu ku xanuunsanaayay.” Ayuu yiri Caabi Mire Dacar.
Caabi, ayaa intaa ku daray "Hadda waxaa la qaban qaabinayaa aaskiisa, goor dhow ayaana ku aasi doonnaa Magaalada Hargeysa.”
Shay Mire Dacar, ayaa fanka ka bilaabay Magaalada Ceerigaabo isagoo dhalinyaro ah, waxaana uu uga sii gudbay Magaalada Boosaaso, iyadoo sanadihii ugu dambeeyayna uu deganaa Magaalada Hargeysa.
Hobolka geeriyooday, ayaa sanadkii 2014-ka Magaalada London uga qaybgalay barnaamijka toddobaadka Soomaalida, oo sanadkiba mar lagu qabto London, waxaana lagu soo casuumaa abwaano iyo fannaaniin kala duwan.
Hobolka Shay Mire Dacar oo galabta ku geeriyooday Magaalada Hargeysa
Hobolka codka macaan ee Shay Mire Dacar, ayaa waxaa uu galabta ku geeriyooday Magaalada Hargeysa, ka dib muddooyinkii ugu dambeysay oo Magaalada Hargeysa uu ku xanuunsanaayay.