Qof ku sugan Deegaanka Buufow ayaa Warbaahinta gudaha u sheegay in ciidamada Amisom ay ridayeen Qoryo culus oo si aad ah looga maqlaayay deegaanka iyo Deeganada kale ee ku dhaw.
Dagaalkan oo ahaa mid xoogan ayaa la sheegay in ciidamada Shabaabka dhowr jiho ay ka soo galeen Saldhiga ciidamada Amisom ee Deegaanka Buufow.
Xoogaga Amisom ayaa la soo wariyay meelo ka baxsan goobta dagaalka inay ku garaacayeen Madaafiic xoogan oo dadka Deegaanka argagax xoogan ku abuurtay.
Waxaanan si dhab ah loo ogaan karin Khasaaraha rasmiga ah ee ka dhashay dagaalkaasi dhexmaray ciidamada Amisom iyo kuwa Shabaabka, maadaama labada dhinac weli midkood Saxaafadda aysan la hadlin.
Shabaabka waxa ay horay u sheegeen inay kordhinayaan Bisha Ramadaan weerarada ka dhanka ah Saldhigyada ciidamada Dowladda iyo kuwa Amisom ay ku leeyihiin Gobolka Shabellaha hoose.
Wararkii ugu dambeeyay Shabaab oo weeraray Saldhiga Ciidamada Amisom ee Deegaanka Buufow
Xoogaga Ururka Al Shabaab ayaa xalay weerar waxa ay ku ekeeyeen Saldhiga ciidamada Amisom ay ku leeyihiin Deegaanka Buufow oo ka tirsan Gobolka Shabellaha hoose.