Dowladda Soomaaliya oo war ka soo saartay gargaarka Turkiga ee Soomaaliya + Sawirro
Dowladda Turkiga oo horaantii bishaan shaacisay inay Soomaaliya geyneyso gargaar kala duwan ayaa markabkii siday waxa uu ku soo xirtay Dekedda Muqdisho, waxaana halkaasi ka hadlay mas'uuliyiin ka socotay Hay'adda bisha Cas ee Turkiga ay ka hadleen shixnadaha uu sido markabkaasi.
Munaasabad ka dhacday gudaha dekedda Muqdisho ayna ka soo qeyb galeen mas’uuliyiin ka tirsan Dowladda Soomaaliya iyo Turkiga ayaa sheegay in gargaarkaan loogu talo galay shacabka Soomaaliyeed ee ku dhibaateysan dalka gudihiisa.
Markabka oo shixnado gargaar oo dhan 11,000 MT oo raashin ah ayaa loogu talo galay in degdeg loo gaarsiiyo dadka ay saameeyeen abaaraha, fatahaadaha iyo masiibooyinka rabaaniga ah.
Wasiiru Dowlaha arrimaha gudaha Dowladda Federaalka Soomaaliya C/rashiid Xiddig oo ka hadlay munaasabadda guddoonsiinta deeqdaasi ayaa sheegay in wixii ka dambeeya dejinta raashinkaasi la geynayo gobolada ay ku dhufteen abaaraha.
Dhinaca kale mas’uuliyiinta bisha Cas ee Turkiga ayaa iyana sheegay in gargaarkan uu ka yimid dowladda iyo shacabka Turkiga oo ugu deeqay shacabka Soomaaliyeed ee la il daran xaaladaha aadka u liita ee bani’aadaminimo.
Dowladda Soomaaliya oo war ka soo saartay gargaarka Turkiga ee Soomaaliya + Sawirro
Dowladda Turkiga oo horaantii bishaan shaacisay inay Soomaaliya geyneyso gargaar kala duwan ayaa markabkii siday waxa uu ku soo xirtay Dekedda Muqdisho, waxaana halkaasi ka hadlay mas'uuliyiin ka socotay Hay'adda bisha Cas ee Turkiga ay ka