Tani waxaa soo dhaweysay bulshada ku nool Magaaladaasi, iyadoo dadkii dhiilada colaadeed ku barakacayna ay qaarkood bilaabeen dib inay guryahoodu ugu soo laabtaan.
Yaxye Macalin Aweys oo ka mid ah dadka degan Magaalada Marka, ayaa Dhacdo.com u sheegay qoysaskii ku barakacay xiisaddii Magaaladaasi inay hadda dib ugu soo laabanayaan aqaladooda.
Inkastoo sida uu Yaxye sheegay aan si rasmi ihi loo dhaqangelin heshiiskii horudhaca ahaa ee labada dhinac wada gaareen, ay hadana dadku rajo ka qabaan dhaqangalka heshiiskaasi.
Gudoomiyaha Maamulka Gobolka Shabellaha Hoose, Ibraahim Aadan Cali (Najax), ayaa beelahaasi ku ammaanay sida ay u soo dhaweeyeen in laga gudbo xiisaddii ka taagneyd Magaalada lagu naaneyso (Marka Cadey).
Gobolka Shabellaha Hoose, ayaa waxaa ku soo noq noqday ismaandhaafka u dhaxeeya labadaasi beelood, iyadoo ayna burburiyeen heshiisyo ay horay u wada gaareen.
Neef wayn oo ka soo fuqday shacabka ku dhaqan Magaalada Marka
Ka dib wada hadalada nabadeed ee laga dhex bilaabay beelihii ku dagaalamaayay Magaalada Marka iyo qaybo kaloo ka mid ah Gobolka Shabellaha Hoose, ayaa waxay taasi rayn rayn gelisay shacabka reer Marka.