Dabley Hubeysan oo Weerartay Guriga Gudoomiyaha Awdal
Dabley Hubeysay ayaa saaka aroortii weerar ku qaaday guriga Gudoomiyaha gobolka Awdal Maxamuud Cali Saleebaan "Ramaax" xili uu halkaasi ku sugnaa gurigiisa oo ku yaalay degmada Boorame.
Dableyda weerarka qaaday ayaa loo
maleynayaa iney weerarka kasoo qaadeen buuraha ku hareereysan magaalada
oo ay ku sugan yihiin ciidamo uu hogaamiye Suldaan Wabar oo kasoo
horjeeda maamulka Somaliland.
Guriga Gudoomiyaha gobolka Awdal ayaa ku yaala duleedka magaalada
Boorame waxaana kooxaha weerarka geystay ay u baxsadeen xuduuda
magaalada Boorame ay Ethiopia la wadaagto.
Inta la xaqiijiyay labo kamid ah ilaalada gudoomiyaha degmada
gobolka Awdal ayaa ku geeriyootay weerarka saaka dhacay, waxaana dhaawac
uu kasoo gaaray labo ruux oo kale.
Ma jiro wax war ah oo kasoo baxay dhanka maamulka degmada Boorame
iyo maamulka gobolka Awdal oo ku aadan weerarka saaka ka dhacay guriga
gudoomiyaha gobolka Awdal.
Dabley Hubeysan oo Weerartay Guriga Gudoomiyaha Awdal
Dabley Hubeysay ayaa saaka aroortii weerar ku qaaday guriga Gudoomiyaha gobolka Awdal Maxamuud Cali Saleebaan "Ramaax" xili uu halkaasi ku sugnaa gurigiisa oo ku yaalay degmada Boorame.