Alvaro Negredo ayaa markale noqday geesiga Cadiz isaga oo goolka guusha u dhaliyay, Barcelona ayaa hadda booska toddobaad ka joogta horyaalka La Liga isla markaana saddex dhibcood oo kaliya u jirta kaalmaha horyaalka lagaga dhaadhaco.

Koeman ayaa aaminsan in waxa guuldarrada ku sababay uu ahaa hab-fikirka iyo diirad saarid la’aanta ciyaaryahanadiisa isaga oo si gaar ah ula yaabay qaabka ay u ogolaadeen goolka labaad ee Negredo.

"Waxaanu halkan nimid kaddib dhawr kulan oo wanaagsan, laakiin qaybtii hore ma aysan ahayn mid wanaagsan, waxaanu ka fiicnayn qaybtii labaad laakiin qaabka aanu u guuldarraysanay waxay ahayd mid layaab leh”

"Waxaanu u guuldarraysanay sababta qalad lama filaan ah oo aanad samayn karayn, waxay ka timid in aanan ahayn kuwo diirada saaraya, hab fikirku ma uusan ahayn mid wanaagsan caawa mana aha kaliya daafacyada”

"Way adagtahay in la aqbali qaar kamida goolasha naga dhashay, waxaan filayaa inay tahay malaha sababtoo ah la’aanta in aanan diirada saarayn, waxa naga maqan ad-adayga marka aanaan kubadda haysan taas ayaa malaha ah sababta nalooga dhaliyay, maaha wax sahlan in la sharaxo goolka labaad”