Magaalada Muqdisho waxaa ka dhacday qiso layaab leh oo dhex martay wiil iyo gabar uu kala dhaxeeyay xiriir jaceyl, kaasi oo muddo toddobo sano ah uu la il darnaa wiilka isla markaana la geeyay goobaha dadka Qur'aanka lagu saaro.

Arrimaha layaabka ku noqotay ehelada wiilka waxaa ka mid ahaa in wiilkooda markii uu wareysanayay Sheekha xarunta Qur’aan saarka uu yeeshay codka gabadhii uu jeclaa.

Wiilkaan oo muddo 7-sano ah la xanuunsanaa weerar ay ku soo qaadeen koox Jiniyaal ah, ayuu sheegay inay sixirtay gabadhii uu xiriirka kala dhaxeeyay bacdamaa ay ahayd qofka wax jecel.

Xanuunka wiilka ayaa yimid kaddib markii gabadhii aadka u jecleyd uu been u sheegay isla markaana inuu guursanayo ka ballanqaaday, taasi oo beenowday markii dambe kaddibna uu ku dhacay xanuun dhinaca maskaxda ah.