Diyaarad ay lahayd Shirkadda diyaaradaha Air Indian Express oo ay saarnaayeen 191 qof oo rakaab ah ayaa ku burburtay garoonka diyaaradaha ee magaalada Calicut ee Koofurta dalka Hindiya.             Diyaaradan oo kasoo duushay magaalada Dubai, ay cagaha la weysay waddada ay ku cararaan diyaaradaha, kaddibna ay u kala dhacday labo qeybood iyadoo la shaaciyay in shan ruux oo ay ku jiraan labadii duuliye ee diyaarada ay dhinteen.

     Sidoo kale waxaa shilka diyaaradan ku dhaawacmay tiro badan oo ka mid ah rakaabkii waxaana socda weli howlo lagu badbaadinayo dadka diyaarada saarnaa.

Maamulka diyaaradda ayaa sheegay in tirada rakaabka ay ahayd 184 ruux oo ay ku jiraan 10 carruur ah iyo lix shaqaalaha diyaaradda ah.