Mr Tusk ayaa sheegay in wixii hada ka dambeeya dib loo celin doono qaxootiga ku sugan Giriiga, isla markaana ciidamo ilaaliya xeebaha Turkiga la geyn doono, si looga hortago qul qulka qaxootiga.

Qaxootiga faraha badan ee ka imaanaya Suuriya iyo dalalka kale ee colaadaha ka jiraan ayaa marin u ah Turkiga, iyagoo doomo ka soo raaca xeebaha Yurub, isla markaana taga Jasiiradaha Giriiga.

Heshiiska Midowga Yurub iyo Turkiga ayaa waxaa qeyb ka ah in la fasaxo lacagaha faraha badan ee horay Turkiga loogu deeqay inuu ku maareeyo qaxootiga.

Sidoo kale Turkiga ayaa doonaya inuu ka mid noqdo Midowga Yurub, inkastoo shuruudo adag ay hor-yaalaan ka mid noqoshadiisa, waxaana lagu eedeeyay la wareegidii xarun Wargeys ah madax banaan.

Midowga Yurub ayaa wajahaya qalalaasihii ugu weynaa ee qul qulka dhinaca qaxootiga ah, tan iyo dagaalkii labaad ee Adduunka.