NISA oo sheegtay in uu is casilay Madaxii Amniyaatka Al-Shabab ee gobolka Banaadir
Hay'adda Nabad-sugida iyo Sirdoonka Qaranka Soomaalieed ayaa shaacisay in uu shaqada ka tegay isna casilay madaxii Amniyaatka Al-Shabaab u qaabilsanaa gobolka Banaadir.
Qoraal la soo dhigey barta Twitterka ee NISA ayaa sidoo kale lagu sheegay sababta uu isku casilay Madaxa Amniyaatka Alshabaab ee gobolka Banaadir inuu salka ku hayo khilaaf soo kala dhex galay madaxda Al-Shabaab.
"Khilaafkii u dhaxeeyey labada garab ee Maafiyada Al-Shaabab ayaa sababay inuu is casilo madaxii Amniyaatka Gobolka Banaadir, Muuse Macalin [Mucaawiye], oo 39-jir ah, oo ahaa garabka raacsan horjooge Mahad Karataay,” ayaa lagu yiri qoraalka la soo dhigey barta Twitterka.
NISA ayaa horaantii bishan baahisay in uu khilaaf ka dhex qarxay hoggaanka ururka Al-Shabaab taasoo eedeyn badan ay kala kulantay NISA warkaas ay shaacisay.
XIGASHO:-JOWHAR.COM
NISA oo sheegtay in uu is casilay Madaxii Amniyaatka Al-Shabab ee gobolka Banaadir
Hay'adda Nabad-sugida iyo Sirdoonka Qaranka Soomaalieed ayaa shaacisay in uu shaqada ka tegay isna casilay madaxii Amniyaatka Al-Shabaab u qaabilsanaa gobolka Banaadir.