Burcad Badeed Soomaali ah oo sii deysay muwaadin u dhashay dalka Iran
Burcad badeed Soomaali ah ayaa sii deysay badmaaxe u dhashay dalka Iran kadib muddo afar sano oo uu ku jirey gacantooda.
Maxamed Sharif Panahandeh ayaa la sheegay in la sii daayay kadib markii xanuun uu soo wajahay hase yeeshee illaa saddex badmaax oo la socotay Sharif kana soo jeeda dalka Iran ayaa weli ku jira gacanta koox ka afduubatay xeebaha Soomaaliya sanadkii 2015kii.
Muwaadinkan u dhashay dalka Iran ayaa la sheegay in la geeyay magaalada Addis Ababa ee dalka Ethiopia halkaa oo uu dalkiisa ugaga sii gudbi doono sida ay sheegtay idaacada BBCda.
Kooxda afduubka ku haysatay afartan badmaax ee u dhashay dalka Iran ayaa dalbaday lacag madax furasho ah hase yeeshee illaa iyo hadda ma jirto cid u ballanqaaday amaba siisay lacag madax furasho ah.
Burcad badeeda Soomaalida ah eek u weerari jirtey xeebaha Soomaaliya iyo xeebaha u dhow dhow ayaa hoos u dhac weyn ku yimid tan iyo sanadihii la soo dhaafay kadib markii maraakiib hubeysan ay bilaabeen inay ilaalo ka qabtaan xeebaha Soomaaliya.
Waxaan ku jira xabsiyo ku yaal dalal badan oo caalamka ah dhalinyaro Soomaali ah kuwaasoo laga qabqabtay xeebaha badweynta Hindiya iyagoo doonayay inay afduubtaan maraakiibta marta badda
Burcad Badeed Soomaali ah oo sii deysay muwaadin u dhashay dalka Iran
Burcad badeed Soomaali ah ayaa sii deysay badmaaxe u dhashay dalka Iran kadib muddo afar sano oo uu ku jirey gacantooda. Maxamed Sharif Panahandeh ayaa la sheegay in la sii daayay kadib markii xanuun uu soo wajahay hase yeeshee illaa saddex badmaa