Wasiirka Wasaaradda Gaadiidka & Duulista Hawada Somaliya, Cali Axmed Jaamac (Jangeli), ayaa horey kooxaha ka soo horjeeda Dowladda ugu eedeeyay inay ka dambeeyeen qaraxaasi.
Weerarkan, ayaa waxaa la’ogyahay in hal ruux uu ku dhintay, kaasoo la rumeysan yahay inuu ahaa ninkii gaystay qaraxa, halka laba kalana ay ku dhaawacantay.
Diyaaradda oo ka amba baxday Magaalada Muqdisho, kuna sii jeeday Magaalada Djibouti, ayaa 20 daqiiqo ka dib ku soo laabatay Garoonka Aadan Cadde, markii qarax duleel u gaystay diyaaradda laga dhex maqlay.
Laamaha ammaanka, ayaa illaa labaatan qof u soo qab qabtay qaraxaasi, oo uu ku jiro mid ka mid ah Saraakiisha Nabad Suggida, ee ka hawlgasha Garoonkaasi Aadan Cadde.
xigasho:-dhacdo.com
Ururka Al Shabaab oo sheegtay masuuliyadda qaraxii Daallo Airlines
Ururka Al Shabaab, ayaa wuxuu si rasmi ah uu u sheegtay masuuliyadda weerarkii qaraxa loo adeegsaday, ee 2-dii bishan lagu qaaday mid ka mid ah diyaaradaha ay leedahay Shirkadda Daallo Airlines.