Neymar oo hadda dhaawac kaga maqan xulkiisa Brazil oo ciyaaraya Cop America ayaa maalmo ka hor qabay fikirka ah in uu Xilli-ciyaredka soo socda iska sii joogo horyaalka dalka Faransiiska balse khilaaf soo kala dhex galay asaga iyo Milkiilaha Kooxda Nasir Alkhaliifi ayaa bedelay arinkaas waxaana mugdi galay mustaqabalkiisa, Hadda waxa uu aad ugu dhawayahay ku laabashada Barcenola.

Xidigii hore ee Reer Brazil Rivaldo oo la hadlayay wargayska AS ayaa yiri” Xalka ugu fiican ayaa ah Ku laabashada Neymar ee Barcelona” wax uuna intaasi ku daray "Laakiin Marka hore waa in uu raali galiyo taageerayaasha waliba ka codsado in ay iska cafiyaan qaabkii uu uga tagay kooxda, sababta oo ah joogista kooxda mar kale waxa ay dareensiin doontaa wax fiican iyo waliba qaab ciyaareed fiican”.

Neymar ayaan la ogayn sida uu wax yeeli doono balse hadal-heyntiisa ah in uu ku laaban doono kooxdiisii hore ee Barcelona ayaa ah midda ugu hadalheynta badan khubarada iyo waregysyada ka faallooda ciyaaraha.