Lahaanshaha sawirkaREUTERS Image captionSacuudiga ayaa la dagaalamaya mucaaradka Xuutiga ee Yemen

Waxaa jiray cadaadis caalami ah oo la saarayo Sucuudiga oo ah inuu hakiyo duqaynta uu ka wado Yemen, maadama xaaladda ban'aadanimo ee dalkaasi ay kasii dareyso.

Qaramada Midoobey maxay ka tiri dagaalka Yemen?

Xoghayaha Guud ee Qaramada Midoobay, Antonio Guterres, ayaa waxa uu ku baaqay in la soo afjaro qulqulatooyinka ka soconaya dalka Yemen, iyo weliba in si degdeg ah loo joojiyo dagaallada ka soconaya agagaarka goobaha muhiimka ah iyo weliba meelaha ay dadka badan ku nool yihiin.

Mr. Guterres ayaa waxa uu ugu baaqay dhinacyada ku diriraya dalka Yemen inay si niyad wanaag ah oo aanay shuruudi ku xirnayn u bilaabaan wadahadal.

Xoghaye Guterres ayaa xilka u hayo waxaa uu u isticmaalay inuu kusii adkeeyo digniinaha Qaramada Midoobay ay ka soo saartay colaadda Yemen.

Waxa uu sheegay in xaaladda bini'aadminimo ee dalkaasi ay aheyd mid quus ah ayna suuragal tahay inay isu bedesho macluushii ugu xumeyd ee la rko muddo tobannaan sano ah hadaanan si degdeg ah wax looga qaban.

Lahaanshaha sawirkaREUTERS Image captionMarar badan ayaa lagu eedeeyay diyaardaha dagaalka Sucuudiga inay duqeeyeen goobaha ay shacabka ku badan yihiin

Carruurta Yemen ayaa gaajo iyo cuduro u dhimanaya iyadoo Qaramada Midoobay ay ka digtay in kala bar dadka dalkaasi ku nool ay halis soo wajahayso bilooyinka soo socda.

Mareykanka

Mareykanka ayaa ku baaay in si degdeg ah loo joojiyo weerarrada Yemen ka socda, iyada oo ay dagaallada sokeeye oo seddex sano ka socday Yemen ay sababeen iney dalkaasi ka dhacaan macluushi bani aadaminimo ee ugu xumeeyd.

Wasiirka gaashaandhigga Mareykanka James Mattis ayaa sheegay dhinacyada isku hayo Yemen iney 30-ka maalmood ee soo socda gudhii ay ku billaabaan wada hadallo nabadeed oo dhibaatada Yemen ka taagan lagu soo afjaro.

Xoghayaha arrimaha dibadda ee Mareykanka Mike Pompeo ayaa xulafada Sacuudiga uu hoggaaminayo ee dagaalka kula jira dhaqdhaqaaqa xuutiyiinta ugu baaqay iney joojiyaan duqeymaha dhinaca cirka ah ee ay ka sameeynayaan goobaha ay dadku ku badan yihiin.