"Waxaan la xiriiray madaxweynaha JFS Mudane Maxamed C/llaahi Farmaajo, waxaan u sheegay in aan la kulmayo amiirka, waxaan weydiiyay talo ahaan maxaan kala hadlaa oo qodobo ah oo fariin ah oo aad ii dhiibeysaa, hal fariin buu isoo faray oo runtii wax weyn ah " Igu salaam, salaam ka bacdina waxaad u sheegtaa oo aad nooga codsataa oo codsigeyga aad gaarsiisaa Jaaliyadda Soomaaliyeed haddii gudaha iyo dibadda ay joogtaba ay ka shaqeysan karaan gudaha dalka Qadar oo loo furo ciqaamadihii, qofkii shaqo hella waqtigan hadduu yahay xirfadle iyo hadduusan xirfadle ahaynba ciqaamad ma heli karo Baasboorka Soomaaliga ah uu wato awgeed, dalabkii madaxweynaha markaan geeyay meeshii baa lagu aqbalay, amarkii baa meeshii amarkii ku bixiyay in loo furo Soomaalida ciqaamadaha, Insha Allah waxaan dabagal ku sameynayaa sidii shaqada ku furmi lahayd,” Ayuu yiri danjiraha Soomaaliya ee Dalka Qadar.

Wuxuu sheegay maalmo gudahood in qofta kasta oo Soomaali ah oo shaqo ka hela dalka Qadar ay ciqaamadii u furan tahay, islamarkaana si dhib yar halkaasi kaga shaqeysan karo.

Ugu dambeyntii safiirka Soomaaliya ee dalka Qadar Amb. C/risaaq Faarax Cali ayaa sheegay in howlaha ugu horeeyo ee uu ku dhaqaaqayo ay tahay sidii ay isku arki lahaayeen Jaaliyadda Soomaaliyeed ee Qadar si ay uga hadlaan halka Xaaladda mareyso iyo in la isku garabsado howsha safaaradda ee Bulshada u heyso.