Falkaan ayaa dhacay haweenkii jimcada kadib markii Sachin Shinde uu guriga kusoo laabtay isagoo ka imaaday shaqada waxuuna kufsaday gabadhiisa oo 5 sano jir aheyd, shinde hooyadiis haweenayda lagu magacaabo Amusaya ayaana dishay gabadha ay ayeeyada u aheyd kadib markii ay aragtay in wiilkeeda uu ku kacay falkaas foosha xun, sidaasi waxaa yiri Devidas Patil oo ah sarkaal boolis ah oo u xil saran kiiskaani.

Shinde hooyadiis ayaa waxaa dilka kadib ay aaday saldhiga booliska oo ay ku wargelisay in gabadhii ayeeyada u aheyd ay ka maqan tahay oo la afduubtay, si ay u baabi”iso raad dambiyeedka laga yaabo in uu kusoo baxo in ay dishay gabadha ay ayeeyada u aheyd.

Markii dambe Booliska ayaa bilaabay baaritaano lagu baadi goobayo gabadha lagu wargeliyey in la afduubte balse la dilay, waxayna markii dambe ka heleen hoyga ay daganeed oo ay ayeeyadeed ku duugtay, kadib markii la wareysatay oo wax laga weydiiye gabdha aabaheed iyo ayeeyadeed waxa ay qirteen in falkaasi arxan darada ah ay iyagu geesteen.