Dadbka ayaa ka kacay sida la sheegay qeybta suuqa Al-khaliifa ee isla Gudaha Suuqa Bakaaraha ee Magaalada muqdisho waxaana halkaasi ku baaba’ay hanti aad iyo aad u badan.

Goob jooge ku sugan Bakaaraha ayaa inoo xaqiijiyey in dabka sidoo kale uu ku faafay subaxnimadii hore ee saakay qeybta Maacuunta iyo Malabka ee Suuqa Bakaaraha.

Ciidamada amaanka Dowladda Soomaliya ayaa gaaray goobta uu ka kacay dabka kuwaasi oo ka hortagayay dadka inta loogu bartay in ay dhacaan ama ay biliqaystaan hantida ay leeyihiin shacabka Soomaliyeed.

Sidoo kale gaadiidka dab damiska ah ayaa gaaray halka dabka uu ka kacay, waxaana socda dedaal badan oo lagu doonayo in dabkaan lagu damiyo.