Mareykanka oo sheegay muwaadiniin dalkiisa u dhashay inaysan saarneyn Diyaaradii ku dhacday G/Shabeellaha hoose
Warar soo baxay ayaa sheegaya Diyaarada in lagala dagay Ajaanib saarneyd oo tiradooda ay gaarayso 9 rag ah iyo 3 haween ah, kuwaasi oo loo badinaayo inay gacanta u galeen Ururka Al Shabaab.
Bantigoonka Mareykanka waxa uu xaqiijiyay in diyaarada laga lahaa meel kale oo aysan taabacsanayn Mareykanka.
Diyaaradan ayaa doonaysay inay ka degto Garoonka Diyaaradaha ee Balidoogle, balse lama oga cilada ku timid oo ay halkaasi ugu dhacday.
Diyaaradda Daniel 300f waxay ka soo amba baxday Magaalada Nairobi, iyadoona ku sii jeeday Garoonka Balli-doogle, oo saldhig military oo qarsoodi ah uu ku lee yahay Militariga Mareykanka. Soo dhicista diyaaraddu ayaa la sheegay inay ka dhalatay roobab xoogan, oo ka da’aayay inta u dhaxeyso Afgooye iyo Toora Toorow.
Deegaanka ay diyaaradan ku dhacday, waxaa gacanta ku haya Xoogaga Ururka Al Shabaab ee dagaalka kula jira Dowladda Somaliya iyo ciidamada Amisom.
Mareykanka oo sheegay muwaadiniin dalkiisa u dhashay inaysan saarneyn Diyaaradii ku dhacday G/Shabeellaha hoose
Wasaarada Difaaca dalka Mareykanka, ayaa beenisay Diyaarada ku dhacday deegaanka Cumar Beere ee duleedka Degmada Afgooye inay la socdeen muwaadiniin u dhashay dalka Mareykanka.