Muqdisho, 28 October 2015: Madaxweynaha Jamhuriyadda Federaalka Soomaaliya, Mudane Xasan Sheekh Maxamuud iyo wafdi uu hoggaaminayo ayaa ka degey magaalada New Delhi ee caasimadda dalka India, halkaas oo uu kaga qeybgalayo Shir Madaxeedka Waddamada Afrika iyo India ee iskaashiga dhaqaalaha.
Madaxweynaha oo wafdigiisa ay ku wehliyaan Wasiirka Arrimaha Dibedda,
Cabdisalaam Hadliye Cumar iyo mas’uuliyiin kale , ayaa waxaa Garoonka
Diyaaradaha ee magaalada New Delhi ku soo dhoweeyay mas’uuliyiin ka
tirsan dowladda India iyo Danjiraha Soomaaliya u fadhida India Ebyan
Saalax.
Shirkan waxaa ka qeybgalaya dhammaann 54-ka dal ee qaaradda Afrika ay ka
kooban tahay, waxaana diiradda lagu saarayaa kobcinta fursadaha
maalgashi ee Afrika iyo India, iskaashi dhaqaale oo labada dhinac dhex
mara iyo dhiirigelinta ganacsiga iyo shaqa abuurka.
Shirkan oo ah kii saddexaad ayaa waxaa labadii shir ee ka horeeyay waxay
2008 iyo 2011 ka kala dhaceen magaalooyinka New Delhi iyo Addis Ababa.
Madaxweyne Xasan Sheekh Maxamuud ayaa ka soo kicitimay magaalada Riyadh
ee dalka Boqortooyada Sacuudiga, halkaas oo uu ku joogey socdaal muddo
laba maalmood ah, kulanna la qaatey Boqor Salmaan Bin Cabdulcasiis Al
Sacuud iyo madax kale oo dalkaasi ka tirsan.
--DHAMMAAD—
Daud Aweis
Afhayeenka Madaxtooyada
Jamhuriyadda Federaalka Soomaaliya
Email: daweis@presidency.gov.so
www.villasomalia.gov.so |
|
|
|
Madaxweyne Xasan Sheekh Maxamuud oo ka qeybgalaya Shir Madaxeedka Afrika iyo India oo ka dhacaya New Delhi
Muqdisho, 28 October 2015: Madaxweynaha Jamhuriyadda Federaalka Soomaaliya, Mudane Xasan Sheekh Maxamuud iyo wafdi uu hoggaaminayo ayaa ka degey magaalada New Delhi ee caasimadda dalka India, halkaas oo uu kaga qeybgalayo Shir Madaxeedka Waddamada Af