Kalfadhiga 5aad ee Baarlamaanka 11aad ayaa la muddeeyay inuu furmo 6 bisha July 2024 oo ku beegan maalinta sabtida. War-saxaafadeed oo ay si wadajir ah ay usoo saareen Guddoonka labada Gole ee Baarlamaanka Jamhuuriyadda Federaalka Soomaaliya ayaa lagu go'aamiyay in Kalfadhiga 5-aad ee Baarlamaanka 11aad uu furmo maalinta Sabtida ah ee ku beegan 06/07/2024. Kalfadhiga Baarlamaanka ayaa la hadal hayaa inuu noqon doono midka ugu xasaasisan oo go'aamin doona jaangoynta marxalada siyaasadda iyo doorashooyinka uu dalka geli doono.