Afhayeen u hadlay Booliska oo lagu magacaabo Tanner Tixier, ayaa sheegay in Lilly ay geeriyootay, xilli si deg deg ihi loogu qaaday isbitaal maxali ah. Afhayeenka ayaa tibaaxay in falkaasi ay hal nin u soo qabteen, gelinkii dambe ee Arbacadii shalay.

Dembiilaha.

Tony Torrez oo 32 sano jir ah, ayaa wuxuu qirtay in uu ka dambeeyay falka lagu dilay gabadha yar, ka dib markii ay Ciidanka Booliska soo qabteen. Tanner Tixier, ayaa ku waramaya dembiilaha inaanu weli bixin macluumaadka la xiriira waxa uu ku dilay gabadha, laakiin ay wadaan baaritaanada ku saabsan.

Alan Garcia oo ah aabaha dhalay gabadhaasi, ayaa shegay in dilkeeda uu qalbi jab ku riday qoyskiisa, isla-markaana ay aad uga xun yihiin, sida uu yiri.

Lilly.

Isagoo la hadlaayay Warbaahinta waxa uu yiri "Hadda ayuu u buuxsamay sanadkeedii afaraad. Aad ayay ugu faraxsaneyd inay dadka u sheegto in afar sano jir ay noqotay.”

"Laba maalmood ka hor ayay bilowday iskuulka. Waxay ahayd mid fur furan oo aad u caqli badan. Waxay ahayd nolosheeda, waxaana la dilay xilli aan iskuulka ka soo qaaday.” Ayuu yiri Garcia.