Magaalada Muqdisho waxaa saakay ka furmay bandhigii ugu weynaa ee la qabto muddo 25-sano ah, kaasi oo ay ka soo qeyb gelayaan qorayaal iyo qalin maal Soomaaliyeed oo isaga kala yimid dalka gudihiisa iyo dibadiisa.
Muqdisho oo lagu soo bandhigay buugaagtii ugu badneyd + Sawirro

Munaasabadda bandhigga Buugaagta Soomaaliga oo ka dhaceysa Hotel City Plaza ee magaalada Muqdisho ayaa waxaa sidoo kale ka soo qeyb galay aqoonyahano iyo boqolaal dadweyne ah oo iyagu ku taxan akhrinta buugaagta.
Bandhigaan oo ah midkii ugu ballaarnaa waxaa qabanqaabadeeda iska kaashaday aqoonyahanada Soomaaliyeed, iyadoo ay taaba gelinayaan shirkadaha dalka ka howlgala ayaa waxaa furitaankeeda ka hadlaya qorayaal iyo qalin maalka Soomaaliyeed.
Dhinaca kale waxaa iyana ka hadlaya faa’iidooyinka buugaagta u leeyihiin dalka iyo akhristayaashaba halkaasi ka jeedinaya khubaro dhinaca qoraalada iyo daraasadaha ku xeel dheeraatay.