Guddiyada Difaaca iyo Amniga ee BF oo kulan la yeeshay Wasiirka Gaashaandhigga
0
Monday February 26, 2018 - 20:41:35 in Wararka by
- Visits: 301
-
- Share
Guddiyada Difaaca iyo Amniga ee Golaha Shacabka ayaa maanta magaalada Muqdisho kula kulmay Wasiirka Gaashaandhigga Xukuumadda Federaalka Soomaaliya Maxamed Mursal Sheekh C/raxmaan.
Kulanka oo waqti badan qaatay ayaa waxaa goobjoog ka ahaa Wasiirka Gaashaandhigga, Taliyeyaasha Ciidamada Booliska iyo Nabad Sugidda, Abaanduulaha Ciidanka Xoogga, Saraakiil ka socotay Wasaaradda Amniga iyo xubno kale.
Kulanka oo waqti badan qaatay waxaa looga hadlay dhacdooyinkii ugu dambeeyay ee Muqdisho ka dhacay gaar ahaan weerarkii Jimcihii, xaaladaha amniga, sidii loo xoojin lahaa Howlgaladda iyo dib u habeynta Ciidamada Xoogga.
Xildhibaan Daahir Amiin Jeesow oo ah Guddoomiye ku xigeenka Guddiga Arrimaha Gudaha iyo Amniga ee Golaha Shacabka oo la hadlay Idaacadda Risaala ayaa sheegay maadaama Baarlamaanka uu Xukuumadda kala dhaxeeyo isla xisaabtan sidaas darteed ay ula kulmeen xubnahan oo ay kala hadleen arrimaha amniga.
Wuxuu sheegay Xildhibaan Daahir in muhiim ay tahay Baarlamaanka in la horkeeno sharciyo ay si gaar ah u leeyihiin Ciidamada Xoogga, sidoo kalena la badbaadiyo Hantida iyo dhulalka ay leeyihiin Ciidamada Xoogga.
Facebook
Twitter
Youtube
Google+
RSS Feed
Guddiyada Difaaca iyo Amniga ee BF oo kulan la yeeshay Wasiirka Gaashaandhigga
Guddiyada Difaaca iyo Amniga ee Golaha Shacabka ayaa maanta magaalada Muqdisho kula kulmay Wasiirka Gaashaandhigga Xukuumadda Federaalka Soomaaliya Maxamed Mursal Sheekh C/raxmaan.