Laba askari oo ka tirsan ciidamada Israa’iil ayaa lagu dilay waqooyiga Gaza kadib markii ay qaraxday diyaarad aan duuliye lahayn (drone) oo ay ciidamadu adeegsanayeen, sida uu sheegay milatariga Israa’iil.

Milatariga ayaa sheegay in drone-ka uu shalay gudaha saldhig milatari ugu dhacay sababo aan weli la shaacin, iyadoo ciidamada ay markii dambe soo qaadeen diyaaradda.

Sida lagu sheegay warbixinta milatariga, drone-ka ayaa qarxay daqiiqado kadib markii askartu ay soo qaadeen, taas oo sababtay dhimashada labada askari.

Dhacdadan ayaa ka dhacday waqooyiga Gaza, iyadoo milatariga Israa’iil uu sheegay in baaritaan lagu sameynayo sababta keentay in drone-ku uu qarxo.

Dhacdadan ayaa sidoo kale dhalisay walaac la xiriira badqabka diyaaradaha yaryar ee aan duuliyaha lahayn ee ay ciidamada Israa’iil u adeegsadaan hawlgallada milatari.

Sababo la xiriira dhacdadan, milatariga Israa’iil ayaa si ku-meel-gaar ah u hakiyay duullimaadyada dhammaan diyaaradaha yaryar ee aan duuliyaha lahayn ee sida walxaha qarxa, iyadoo tallaabadan la sheegay inay dhaqan-geli doonto inta lagu guda jiro baaritaanka.

Joojinta ayaa sii socon doonta inta milatarigu qiimeynayo khataraha ka dhalan kara adeegsiga diyaaradaha noocaas ah iyo tallaabooyinka loo baahan yahay si looga hortago in dhacdo la mid ah ay mar kale dhacdo.