Wararkii ugu dambeeyay Shabaab oo weerar culus ku qaaday Degmada Badhaadhe ee Gobolka Jubadda hoose
Rasaas iyo qoryo culus oo la isweydaarsanaayay ayaa laga maqlaayay gudaha Degmada Badhaadhe, taasi oo dareen cabsi ah ku abuurtay Bulshada Degmadaasi ku nool.
Qaar ka mid ah dadka deegaanka Badhaadhe, ayaa sheegay ciidamo ka tirsan Shabaabka inay soo galeen xaafado ka mid ah Degmada Badhaadhe oo ay ka dagaalamayeen, waana midaasi tan keentay culeyska dagaalka.
Lama oga khasaaraha dhimasho iyo midka dhaawac ee dhinacyada dagaalamay soo kala gaaray, maadaama xilliga dagaalka uu dhacaayay ay aheyd xilli habeen ah, sidoo kalena aanan si buuxda xogtooda loo heli karin khasaaraha soo gaaray labada dhinac.
Xaalada Degmada Badhaadhe ayaa saaka ah mid degan, iyadoo ciidamada Kenya iyo kuwa Jubbaland ee Degmadaasi ku sugan ay ku baxeen saaka duleedka Degmada.
Wararkii ugu dambeeyay Shabaab oo weerar culus ku qaaday Degmada Badhaadhe ee Gobolka Jubadda hoose
Xoogaga Shabaab ayaa xalay saqdii dhexe, waxa ay weerar dagaal oo culus ay ku qaadeen Degmada Badhaadhe ee Gobolka Jubadda hoose oo ay ku sugan yihiin ciidamada Kenya ee howlgalka Amisom ka mid ah.