Dowladda Federaalka oo wafdigii ugu sareeyay u dirtay Hiiraan (Ujeedada socdaalkooda)+Sawirro
Madaxda Federaalka Soomaaliya iyo maamulka gobolka Hiraan ayaa ka wadahadlay arrimo ku saabsan dardar gelinta dhismaha maamul u sameynta gobolada Sh/dhexe iyo Hiiraan, iyadoo wafdiga ay la socdaan madax ka tirsan hay’adaha samafalka, kuwaasi u kuur gelaya fatahaadaha ka dhashay roobabka deyrta.
Wafdiga ka socda magaalada Muqdisho oo uu hoggaaminayay Ra’iisal Wasaare K/Xigeenka Maxamed Cumar Carte, waxaa kale oo ka mid ahaa wasiirka caafimaadka Xaawo Maxamed Xasan iyo xubno kale.
Dhinaca kale booqashada wafdiga ayaa la filayaa in war rasmi ah laga soo saaro, iyadoo dhaqdhaqaaqdyada dowladda Soomaaliya ay iminka ku wajahan yihiin gobolada Sh/dhexe iyo Hiiraan oo ay horay u sheegtay in bisha Novermber si rasmi ah loo daah furayo shirweynaha maamul u sameynta labada gobol ee caasimada Muqdisho deriska la ah.
Dowladda Federaalka oo wafdigii ugu sareeyay u dirtay Hiiraan (Ujeedada socdaalkooda)+Sawirro
Dowladda Federaalka Soomaaliya ayaa bilowday arrimaha maamul u sameynta gobolka Hiiraan iyo Sh/dhexe, iyadoona iminka la dedejinayo dhismaha maamul goboleedkii shanaad ee dalka laga hirgelinayo.