War-Murtiyeed Laga Soo Saaray Shirkii Golaha Wadatashiga Qaran Ee Baydhabo

Visits: 311
(Rating 0.0/5 Stars) Total Votes: 0
0 0
Share via Social Media

War-Murtiyeed Laga Soo Saaray Shirkii Golaha Wadatashiga Qaran Ee Baydhabo

..

Share

Magaalada Baydhabo waxaa lagu soo xiray shirka golaha wadatashiga qaran, kaasoo labadii maalin ee lasoo dhaafay u socday madaxda dowladda, qaar kamid ah kuwa maamul goboleedyada iyo gobolka Banaadir.

Sida ku cad war-murtiyeedka shirka laga soo saaray, madaxda ayaa ka heshiisay Federaaleynta maaliyada dalka, dimoqraadiyadeynta iyo doorashada, dhameyatirka heshiiska qaab dhismeedka amniga qaranka iyo arrimo kale.

Golaha ayaa ka dooday arrimaha doorashooyinka, gaar ahaan in dalka doorasho qof iyo cod ah, waxaana Goluhu isku raacay in gorfeynta arrimaha doorashooyinka lagu dhameystiro kulanka xiga oo dhici doona May 2023.

Golaha Wadatashiga Qaran ayaa Guddi iska dhex saaray oo ay xubno ka yihiin Madaxweynayaasha Koofur Galbeed, Galmudug iyo Hirshabelle, kuwaasoo loo dirayo Puntland, si ay ula soo xaajoodaan, si ay uga qaataan doorkooda wada hadalada masiiriga ah u ah dhameystirka dowlad dhiska dalka.

Shirkan waxaa ka qeyb galay Ra’iisul Wasaaraha Xukuumadda Federaalka Soomaaliya Mudane Xamse Cabdi Barre, Ra’iisul Wasaare Ku Xigeenka Xukuumadda Mudane Salah Jama iyo Madaxweynayaasha Dowlad-Goboleedyada, Koonfur-Galbeed Mudane Cabdicasiis Xasan Maxamed, Hirshabeelle Mudane Cali Guudlaawe Xuseen, Jubbaland Mudane Axmed Maxamed Islaam, Galmudug Mudane Axmed Cabdi Kaariye iyo Guddoomiyaha Gobolka Banaadir ahna Duqa Muqdisho Mudane Yuusuf Xuseen Jimcaale.

Puntland ayaa ka maqan heshiiskan, iyadoo aan la ogeyn sida ay saameyn ugu yeelan karto maqnaansheheeda dhaqan gelinta qodobada ay isla qaateen madaxda.

Akhriso: War murtiyeed laga soo saaray shirkii Golaha Wadatashiga Qaran - Somali News Leader

war-murtiyeed laga soo saaray shirkii golaha wadatashiga qaran ee baydhabo