Laba askari oo xalay lagu dilay Magaalada Muqdisho

Visits: 708
(Rating 0.0/5 Stars) Total Votes: 0
0 0
Share via Social Media

Laba askari oo xalay lagu dilay Magaalada Muqdisho

Laba ka mid ah Ciidamada Dowladda Somaliya, ayaa waxaa xalay lagu dilay Degmada Dharkiinley Ee Gobolka Banaadir, iyadoo dhinaca kalana laga qaatay qoryihii ay wateen. Nin degan agagaaraha Masaajidka Sheekh C/xafiid ee xaafadda Kuweyt, ayaa sheegay i

Share

Laba ka mid ah Ciidamada Dowladda Somaliya, ayaa waxaa xalay lagu dilay Degmada Dharkiinley Ee Gobolka Banaadir, iyadoo dhinaca kalana laga qaatay qoryihii ay wateen. Nin degan agagaaraha Masaajidka Sheekh C/xafiid ee xaafadda Kuweyt, ayaa sheegay in dabley ku hubeysneyd qoryaha daran-dooriga u dhaca, ay wadada u gashay askartaasi, iyagoona qaarajiyay.

Ninkan oo codsaday inaan magaciisa Warbaahinta loo adeegsan, ayaa Dhacdo.com u sheegay in dableydii dilka gaysatay, ay horey u qaadatay laba qori oo ay wateen askartii la dilay, ka hor intii aanay ka baxsan xaafadda Kuweyt.

Ciidamada Booliska & Nabad Suggida, ayaa kol dambe gaaray halkii labada askari lagu waarajiyay. Ma jirto cid la sheegay inay u soo qabteen dilka askarta.

Dhanka kale waxaa soo baxaaya warar sheegaaya in labada askari ee la dilay, ay ka tirsanaayeen Ciidanka Ilaalada Ee Gudoomiyaha Degmada Wadajir, Axmed Cabdulle Afrax. Wadajir waxay ood wadaag la tahay Degmadaasi Dharkiinley.

Sidoo kale waxaa soo baxaaya warar sheegaaya in dableyda dilka gaysatay ay ka tirsan tahay maleeshiyaad qaab beeleed u abaabulan oo deegaanka ah, walow aysan illaa iyo hadda jirin cid amuurtaasi si rasmi ihi u xaqiijisay.

Inkastoo mintidiinta Ururka Al Shabaab loo tiriyo fal dembiyeedyada ka dhaca Magaalada Muqdisho, ayaa waxaa hadana xilliyada qaarkood Caasimadda dilal ka gaysta kooxo qowleysato ah.

xigasho:-dhacdo.com