Wararkii ugu dambeeyay dagaal culus oo ka dhacay Gedo
0
- Visits: 367
-
- Share
Dagaalka ayaa wuxuu ka dambeeyay, kadib markii kolonyo ciidamada Amisom oo siday sahay ay wadada u galeen ciidamo Shabaab ka tirsan oo u diyaargaroobay dagaalkaasi.
Intii uu dagaalka socday, ayaa waxaa la sheegay ciidamo Somali ah oo ka ambabaxay deegaanka faax faax dhuun inay gaareen goobta dagaalka oo ay u gurmadeen ciidamadii Kenyattiga ee dagaalka kulul uu qabsaday.
Gaashaanle Dhexe Ibraahin Maxamuud Macalin Cumar oo ka tirsan Saraakiisha ciidamada Xoogga dalka ee Gobolka Gedo, ayaa sheegay dagaalkaasi inay ku dileen dagaalyahano badan oo ka tirsan Ururka Al Shabaab.
Wuxuu sheegay dagaalka oo ahaa mid culus in ciidamada dowladda ay ugu gurmadeen ciidamadii Kenyatiga ahaa ee wadada loo galay, wuxuu kaloo sheegay ciidamada Kenya inuu khasaare ka soo gaaray dagaalkaasi.
Intii uu dagaalka socday waxaa dhaawac uu soo gaaray Gudoomiyaha deegaanka Faax faaxdhuun, maadaama uu hoggaaminaayay ciidamada dowladda ee gurmadka u aaday goobta dagaalka.
Gaashaanle Dhexe Ibraahin Maxamuud ayaa ka waramaya dhaawaca soo gaaray Gudoomiyaha Faax faaxdhuun, wuxuuna sheegay in xaaladiisa ay tahay mid wanaagsan oo dhaawaca yara fudud uu soo gaaray.
Al Shabaab ayaa wadada u gala kolonyada gaadiidka ciidamada Amisom ee ku safra wadooyinka Gobolka Gedo.
Facebook
Twitter
Youtube
Google+
RSS Feed
Wararkii ugu dambeeyay dagaal culus oo ka dhacay Gedo
Dagaal u dhaxeeyay ciidamada Al Shabaab iyo kuwa Kenyati ah ayaa wuxuu ka dhacay inta u dhaxeysa deegaanka faax faaxdhuun iyo Garileey oo ka tirsan Gobolka Gedo ee Koonfurta Somaliya.