Xidiga xulka qaranka Brazil iyo kooxda Barcelona ee Neymar Jr ayaa loogu codeeyay xidiga ka soo jeeda qaarada koonfur America ee xili ciyaareedkii hore ugu fiicanaa horyaalka Spain ee La Ligaha. Neymar Junior ayaa xili ciyaareedkii hore soo bandhigay qaab ciyaareed cajiib ah isaga oo wada shaqayn layaableh la samaystay Messi iyo Suarez.

Neymar ayaa xili ciyaareedkii hore ahaa xidiga labaad ee Barcelona ugu goolasha badnaa waxaana ka sareeyay Messi oo kaliya, wuxuuna Neymar door wayn ku lahaa in Barcelona ay sanad gudihii ku guulaysato afar koob isla markaana waxa uu qaab ciyaareedkiisii ugu fiicnaa soo badhigay dhamaadkii xili ciyaareedkii hore ee xili ciyaareedkan. Neymar ayaa xili ciyaaredkii hore dhaliyay 39 gool halka uu xili ciyaareedkan hogaanka La Ligaha ku hayo 14 gool.