Cumar C/rashiid Cali Sharmarke Ra'iisal wasaaraha Soomaaliya oo ku sugan magaalada Baydhabo ee xarunta Gobolka Bay ayaa lagu wadaa inuu maanta halkaasi kula Kulmo Bulshada qeybaheeda kala duwan oo ay ugu horeeyaan Odayaasha, Waxgaradka iyo Haweenka. Ra’iisal wasaaraha oo shalay gaaray magaalada Baydhabo ayaa halkaasi kula kulmay madaxweynaha maamulka K/galbeed Soomaaliya Shariif Xasan Sheekh Aadan,waxayna ka wada hadleen hanaanka ay u socoto soo xulista xubnaha Baarlamaanka maamulka Koonfur galbeed iyo sidii loo soo dedejin lahaa.

Cumar C/rashiid Ra’iisal wasaaraha Soomaaliya ayaa sheegay in ujeedka socdaalkiisa Baydhabo iney tahay sidii ay u dhageysan lahaayeen cabashooyinka ka soo yeeraya Shacabka K/galbeed iyo waliba in sidii arrimahaasi xal looga gaari lahaa.

Madaxweynaha maamulka Koonfur Galbeed Soomaaliya Shariif Xasan Sheekh Aadan ayaa ku mashquulsan qaabkii uu ku soo xuli lahaa xubnaha Baarlamaanka maamulka iyo dhameystirka howlaha maamulkaasi