Qof kasta inta aysan Dowladu Xil u magacaabin, ha la weeydiiyo Dadka yaqaan, Hadii kale…=Nasashada Jimcaha.Q- 206=
1-Wiil Qurbaha ka yimid ayaa Ciyaalka Xafadda ku yiri: Haweeneydaa Uur leh ayaan ka careeysiinayaa. Kadibna Xaamiladii ayuu ku yiri: You woman, wallaahi, Calool qurux badan ayaa kugu taal. Naagtii Uurka leheyd ayaa si fudud ugu jawaabtay kuna tiri: Ninkeeyga ma kaala hadlaa, Calooshaan oo kale ha kuu sameeyee. ( F.S: 1aad)
(Wiilkii, Naaneystii Maalintaa loo bixiyay Darteed, dib
looguma arag Xaafada, Naaneysta ha i weydiin. Ciyaalka Akhlaaqda hala
baro, Dumarkuna waa hooyee Dulmiga ha laga daayo)
2- Oday Muridi oo ah 60 jir Reer Xamar weyne ah, ayaa
Bas u soo raacay Xafadda "Macmacaanka” ee Magaalda Mogadishu, waxaa
dhinac fadhiyay Gabar 20 jir ah oo Reer Mudug ah. Odaygii waxaa cun
cunay Jilibka, waxa uu is yiri: iska xoq xoq Jilibka, gacantiisii ayuu
hoos u raariciyay, Nasiib daro Diricii gabarta ayaa gacntii u gashay,
hore ayuu u sii raacay, Jibibkii Gabadha ayuu Xoq xoqay, waxba kama
dareemin Jilibkiisa Muridi, hore ayuu u sii raadiyay Jilibkiisii.
Gabadhii ayaa ku tiri: Adeer Markaan xageed u sii
Socotaa? Waxa uu yiri: Gabarteey Macmacaanka ayaa u socdaa. Ceeb, Caay
iyo Cijo wixii Muriidi ku dhacay waxaa ka darneyd. ( F.S: 2aad)
( Gartii ayaa la galay, Dhaartii Muriidi Lama Dhageeysan
,Dacwadiina wey sii Socotay illa Muriidi laba Guri laga xaraashay.
Hadda, Dhibka ku heeysto Adigu marka hore iska xalli, haddii Dowladda
Jilibku cun cuno, Jilbaha ha iska hubiso, yeyna Maamul Gobaleedyada
Jilbaha ka xoqin)
3- Wiil ayaa yiri: Anniga oo 17 jir ah ayaan jeclaaday
Gabar Xaafadda nala deganeyd, Waddada ayaan mar mar kula hadli jiray,
laakin Gurigooda ma tagi Karin. Maalin Hooyadeed xanuunsatay, ayaan hore
u sii raacay Hooyadeey oo u socotay Gurigooda. Markii aan Booqanay ayaa
naloo shubay 2 koob oo Shaah ah, intii ey labada Hooyo sheekeeysanayeen
ayaan koobkeeygii ula sii jeestay dhinaca kale oo Gabadhu fadhiday,
Anniga oo isha hoos uga xadayo iskana dhigay Nin weyn oo salaam u yimid.
Hooyadeey ayaa i aragtay Aniga oo cabayo Shaahii ey
Gabadhu ii shubtay. Hooyadeey ayaa tiri: Naa ma waalatay, maxaad
sameeysay, maxaad Ninkaan Shaaha u siisa, Habeenkii Kaadi ayuu nagu
dilay, Subax kasta Joodarigiisa Cadceeda ayaan dhignaa. ( F.S: 3aad)
( Qof kasta inta aysan Dowladu Xil u magacaabin, ha la
weeydiiyo Dadka yaqaan, Hadii kale Joodaryaasha Qaranka ayuu
Nijaaseeynayaa)
4-Nin Sakhraan ah ayaa Mobile laga Xaday, waxaa uu tagay
Saldhiga Boliska, waxaana lagu yiri: Hadda iska Bax, DHUL iyo CIR
meeshii uu ku qariyay Annagaa ka soo saareeyno, waxaan u xilsaareeyna
Koox uu Hogaaminayo Isbatoore Farax.
Ninkii waa soo baxay, wadada ayuu ku arkay shaqaalihii
shirkadda Hormuud oo Xaafadda Biya galinayo oo DHULKA qodayo si Tubooyin
ey u galyaan. Waxa uu ku yiri: Waa la ii sheegay in Dhul iyo Cirba laga
baarayo Mobilkeyga, si fiican u raadiya waa Samsom Madoow ah oo
Shaashadda ka jaban.
( Horta Dhakhaatiirtii Gololeey lagu dilay, ee la yiri:
Gacan ku dhiiglayaashii Dhul iyo Cir waa la soo helayaa, Guddi baaro
ayaana loo xil saaray, Mobile Madoow miyeey raadinayaan Gudigu?)
5- Luul Qurux oo aheyd Gabar Hub qaad wanaagsan iyo
Aamoow Siidow ayaa soo wada codsaday shaqo wariyanimo ah oo ka banaaneyd
Wasaaradda Warfaafinta. Agaasimihii imtixaanka qaadayay ayaa ka helay
Luul, waxa uuna labaddii Gabdhood ku yiri: Annaga quruxdiina waxba
nagama galin, waxaan tix galineeynaa Aqoontiina oo kaliya, Shahaadadiina
iyo khibradiinu waa isku mid, sidaa daraadeed waxaan idinku kala
saareeynaa sida aad uga jawaabtaan su’aalahaan.
Su’aashii koobaad waxa uu weydiiyay, Luul Qurux. Waxa
uuna yiri: Waxaad sheegtaa meeqa Qof ayaa ku dhimatay Qaraxii 14kii
Oktobar 2017kii, ka dhacay isgooyska Zoobe? . Luul ayaa ku jawaabtay:
1000 Qof ayaa ku dhimatay.
Waxa uu yiri: Si wanaagsan ayaad uga jawaabtay, very
good, waxaad heshay 4 dhibcood. Su’aashii Labaad ayuu weeydiiyay Aamoow
Siidow. waxaad sheegtaa Magacyada Dadkii ku geeriyooday Qaraxii Zoobe?. (
F.S: 4aad)
( Shaqada Xafiisyada ma loo siman yahay? Hadaad Fahamtay
ula jeedadada, Imtixaanka Qofkii ku guuleeystay ha i weydiin, Guul
Cadaaladda )
6- Wiil 7 jir ah ayaa hooyadii weydiiyay. Hooyo, Aabe
Khamiista iyo Jimcaha nooma yimaad ee xaguu aadaa? Hooyadii ayaa ku
tiri: Waxa uu aadaa Xaaska cusub ee Minyarada ah ee uu dhawaan
guursaday. Wiilkii ayaa yiri: Hooyo, Muxuu Xaas labaad u guursaday? .
Hooyadii oo Maseeyrsan, Madaxana rux ruxee ayaa tiri: Ragga soow Meel
Ciriiri ah lagama Raacin, Alla Ciriiri ha galiyee.
Wiilkii ayaa yiri: Hooyo, Ciriiri Maxaa laga wadaa? Waxa
ey ku tiri: Iga Aamus, Nacasyohoow Madaxa weyn leh, waxaas oo dhan
Madaxaaga Baaldiga la eg ayaa u sabab ehe. ( F.S: 5aad)
( Wiil ayaa Aabihii oo Siyaasi ah weydiiyay. Aabe,
Arrinta Wabiga Nile, Masar iyo Ethiopia, maxaan Ethiopia ula safanay?
Aabihii ayaa yiri: War naga aamus, Siyaasada ma taqaanide, waxaa u sabab
ah Dalalka Fetnam iyo Barazil.
Hooyooy, Dambiga Aabaha, Wiilka Madaxiisu ha saarin, Siyaasiyoow Adiguna Shacab Jawaab kaa sugayo Juqda ha u dirin)
Qore: Yahya Amir
Qof kasta inta aysan Dowladu Xil u magacaabin, ha la weeydiiyo Dadka yaqaan, Hadii kale…=Nasashada Jimcaha.Q- 206=
1-Wiil Qurbaha ka yimid ayaa Ciyaalka Xafadda ku yiri: Haweeneydaa Uur leh ayaan ka careeysiinayaa. Kadibna Xaamiladii ayuu ku yiri: You woman, wallaahi, Calool qurux badan ayaa kugu taal. Naagtii Uurka leheyd ayaa si fudud ugu jawaabtay kuna tiri: N