Liibaan Axmed Xasan ayaa helay 72 cod, halka musharraxii la tartamayay, Cabdulqaadir Cabdullaahi Diiriye, uu helay 14 cod. Sidoo kale, waxaa halaabay saddex cod.

Natiijada doorashada waxaa ku dhawaaqay Guddoomiyaha Golaha Wakiillada Galmudug, Xuseen Maxamed Nuur.

Liibaan ayaa xilka kala wareegi doona Axmed Cabdi Kaariye (Qoor Qoor), oo weli xilka haya balse aan doorashadan musharrax ka ahayn.

Doorashadan ayaa ka dhacday magaalada Dhuusamareeb, iyadoo Liibaan Axmed Xasan uu ku guuleystay codadka ugu badan ee xubnaha Golaha Wakiillada ee ka qaybgalay codeynta.

Doorashada maanta ka dhacday magaalada Dhuusamareeb ayaa la sii ogaa natiijadeeda, iyadoo la saadaalinayay in Liibaan Axmed Xasan uu ku soo baxayo.

Liibaan ayaa ka tirsan Xisbiga Caddaaladda iyo Wadajirka (JSP), oo ay leedahay dowladda federaalka Soomaaliya.