Maleeshiyada hubeysan ee Al-Shabaab ayaa Khamiistii beenisay in afhayeenkooda, Sheekh Cali Maxamuud Raage Cali Dheere uu wareysi siiyey wargeyska La Repubblica ee ka soo baxa dalka Talyaaniga. XMaleeshiyada hubeysan ee Al-Shabaab ayaa Khamiistii beenisay in afhayeenkooda, Sheekh Cali Maxamuud Raage Cali Dheere uu wareysi siiyey wargeyska La Repubblica ee ka soo baxa dalka Talyaaniga.       

                         Majaladda ayaa Cali Dheere ka soo xigatay in lacagtaas ay u adeegsan doonan soo iibsashadda hub, tababarida ciidamadda, ku maareynta arrimaha ay dalka ka wadaan, saadka iyo sahayda inkastoo ay beeniyeen Xarakada Al Shabaab.

            Warbaahinta Al-Shabaab ayaa adeegsatay Caasha Romano oo ah magaca cusub ee ay haweenaydu la baxday kadib markii ay qaadatay Diinta Islaamka mudadii 18-ka bilood ahayd ee afduubka loo haystay.

              Haweenaydan ka shaqeysa arrimaha samafalka ayaa bishii December ee sanadkii 2018-kii laga soo qafaashay meel ku dhow xadka Soomaaliya iyo Kenya, waxaana badbaadinteeda ay soo afjartay walwal badan oo laga qabay nolosheeda.

              Haweenaydaan ayaan wali la cadayn qaabka ay ku suurta gashay soo daynteeda inkastoo warbaahinta Turkigu qortay in ay iska kaashadeen Mukhaabaraadka Soomaaliya,Turkiga iyo Taliyaaniga waxaana soo baxaya warar sheegaya in lacago lagu bixiyay soo daynteeda.