Waayahan danbe waxa ay noqotay mid iska caadi ah oo ay dadweynaha utuuraan gaariga inta badan Kirishboyga waxaa ku adkaata lacagta in ay dib u celiyaan oo ay dadweynaha ku dhibaan soocelinta baaqa taasoo muran & qeylo dhalisa, waayo waxaa jirta qof inuu lacagta tuuro hadana uu meel dhow oo qiimo ahaan dhan 2.000 shilin Somali ku dego balse kirishbooyga lacag badan ka reebtaa sidaana muran ku yimaadaa.

Hadaba Arinta cajaaibka ee aan saakay la kulmay ayaa waxa ay ahayd mid aad iga yaabisay aniga & asxaab badan taasoo ka dhalatay qof isaga tuuray lacag $5 ah isagoo ku qalday $0.5 uu tuuri lahaa, mashaqada dhacday waxa ay ahayd markii uu ogaaday inuu tuuray lacagtaasi tirada badan ee gaarayasa 112,000 Sh/Somali.

Darawlkii waxa uu yiri aniga lacagtaas masoo cellin karo Mobileka waxaa haysto ninka gaariga leh ninkii ayaa la wacay waa uu qaban waayay, waa la isku cakiran yahay ninkii lacagta tuuray waxa uu soo gaaray meeshii uu ku degi lahaa waxa uu u xayiran yahay kaliya lacagta, dhanka kale waxaa jira dad iyagana buuqaya oo leh war gaariga naga wad, mana dhaqaajin karo darawalka arintan ayaa taagan.

Wixii madaxa la isugu jiraba darwalki waxa uu yiri isoo raac raac maalinkasto ilaa lacagta kaaga dhamaanayso, ninki lacagta tuuray arinkaasi waa u cuntami waayay illeyn lacag ayaa ka maqan, wixii la is jiid jiidaba waxaa dhacday in Kirisboyga lacag yar u hayay oo aan dhamayn lacagta ninka uu tuuray in uu isugu duwo, sidaana ninkii oo aan qanacsanayn ku tagay dadweynihiina sidii ku habsaameen.

Arintan ayaa inta badan ka dhacday Magalda Muqdisho iyadoo waayahan si aad ah loo isticmaalo lacagaha laga tuuro mobileka.