Madaxa Ciidamada Amisom Ahna Wakiilka Ururka Midowga Afrika Ee Somaliya, Amb. Maman Sidikou, ayaa waxa uu caalamka ugu baaqay in la kordhiyo taageerada ku aadan dalka Somaliya. Wakiilka, ayaa sheegay in taageerada caalamka ay muhiim u tahay Dowladda itaalka yar ee Somaliya, iyadoona ay Somaliya hiigsanayso dib ugu soo laabashada dhabaha xasiloonida. Wuxuu sheegay horumarka xilligan ka jira dalka Somaliya in lagu gaaray taageerada uu caalamka ku bixinayo, isla-markaana ay taageeradaasi soo noolleysay rajada ah in Somaliya ka soo kaban karto xilligii adkaa.

Qoraal uu soo saaray, ayuu ku sheegay inaanay Somaliya ka quusan doonin kuwo dadaalada ku bixinaya, sidii ay u heli laheyd deganaansho dhameystiran.