Ciidan fara-badan oo gaaray halka lagu toogtay ninkaasi, ayaa waxay xireen wadooyinka, waxaana jiray dad badan oo baaritaano lagu samaynaayay, intii uu hawlgalku ka soconaayay halkaasi.

Toogashadan, ayaa waxay ku soo beegmaysaa, sanad ka dib markii la weeraray Wargeyska Charlie Hebdo, weerarkaasi oo dhacay 7-dii bishi January ee sanadkii 2015-ka.

Madaxweynaha Fransiiska, François Hollande, ayaa ku ammaanay Ciidanka Booliska inay difaaceen qaab nololeydka Faransiiska, xilli uu khudbad ka jeedinaayay xus loo sameeyay sanad guuradaasi.

"Waxay ciidamadeena dalka dibadiisa kula dagaalamayaan Daacish, waxaan ka gaarnay natiijo wanaagsan. Kooxdan argagaxisada hoos ayay u dhaceysaa gudaha Faransiiska. Waxaana ku daba joognaa argagaxisada.” Ayuu yiri Madaxweynaha Faransiiska.

Madaxweynaha, ayaa yiri "Waan kala fur fureynaa xiriirkooda, waxaan xireynaa meelaha ay lacagaha ka hellaan iyo ururada caawiya argagaxisada. Si aan u wajahno arrintan, waxaan u baahanahay waxyaabaha lagama maarmaanka ah.”