MADAXWEYNAHA KENYA OO SHAACIYAY WAQTIGA AY CIIDAMADIISA KA BAXAYAAN SOOMAALIYA Madaxweynaha dalka Kenya Uhur Kenyatta ayaa sheegay kulan uu la yeeshay Madaxweynaha Mareykanka inay kaga hadleen dhawr arrimoo oo ay ka mid yihiin iskaashiga ammaanka, ganacsiga iyo maalgashiga. Uhuru oo ku sugan dalka Mareykanka ayaa sidoo kale soo hadal qaaday xilliga ciidanka Kenya ay ka baxayaan Soomaaliya, wuxuuna sheegay arrintan inay ka mid aheyd qodobada ay ka wada hadleen Madaxweynaha Mareykanka, wuxuuna sheegay in waqtiga ugu dhaw Soomaaliya ay ka soo saari doonaan ciidankooda.

"Waan ku raja weynahay ciidamadeena waan ka soo saari doonaa Soomaaliya, waliba waqtiga ugu dhaw ee suurtagal, waxaanu ka wada shaqeyn doonaa dowladda federaalka sidii ay u xoojin lahaayeen ammaanka, islamarkaana u hanan lahaayeen nabadgelyada dalkooda”. Ayuu yiri Madaxweynaha Kenya.

Wuxuu kaloo sheegay ciidanka jooga Soomaaliya inay culeys dhaqaale ku hayaan, islamarkaana qarash ay hawlo kale ku qabsan lahaayeen ku bixiyaan ciidamada ka baxsan xuduudooda, sidaasi darteedna ay rabaan inay kala shaqeeyaan dowladda in si nabadgelyo ah xasiloooni loogu soo celiyo Soomaaliya.

"Ciidamada waanu ku soo celineynaa xuduudeena, sidaasi darteed waxaa naga yaraanaya qarash badan oo aanu ku bixino, annagu waxaan kala shaqeyneynaa walaalaheena Soomaaliya sidii ay isaga difaaci lahaayeen khatarta, maxaa yeelay khatarta keliya Soomaaliya kuma koobna”. Ayuu yiri Uhuru Kenyatta.

Sanadkii la soo dhaafay 200 oo Askarta Kenya ah ayaa ka baxday Soomaaliya, halka qorshaha yahay in 200 oo kale ay ka baxaan Bisha December ee soo socota, taas oo qayb ka ah qorshaha markiiba 1,000 Askari oo Amisom ah ay uga baxayaan dalka Soomaaliya.

Shanta dal ee Ciidamada Milatariga ku biiriyay hawlgalka Amisom ee kala ah Burundi, Djibouti, Kenya, Uganda iyo Ethiopia, ayaa la filayaa in ay fuliyaan qorshaha ka bixitaanka Ciidanka Amisom ee Soomaaliya.

FAAHIN: DAB KA KACAY AGAGAARKA ISBITAALKA DIGFEER

Waxaa faah faahin dheeraad ah laga helayaa Dab khasaare hantiyadeed geystay oo gelinkii dambe ee shalay ka kacay maqaayad ku taalla meel ku dhaw isbitaalka Digfeer ee magaalada Muqdisho.

Goobjoogayaal la hadlay Idaacadda Risaala ee magaalada Muqdisho ayaa ku soo waramay in dabka uu ahaa mid xoogan, islamarkaana uu gubay dhammaan dhismayaasha maqaaxida.

Dabkan oo aan geysan khasaare nafeed ayaa ugu dambeyn waxaa ku guuleystay inay damiyaan gaadiidka dab damiska gobolka Banaadir oo goor dambe halkaasi gaaray.

Ilaa hadda si dhab ah looma ogaan waxa sababay dabkan inuu kaco, saraakiisha gaadiidka dab damiska ayaa inoo sheegay inay ka hortageen in dabkan uu qabsado dhismayaal kale.

Guddoomiyaha degmada Hodan iyo saraakiisha ammaanka ayaa halkaasi gaaray, waxayna ka hortagayeen in boob lagula kaco gooabha ganacsi ee halkaasi ka akdhaw.

Somaliland oo gawaari lagala soo baxsaday Jigjiga ku wareejisay Itoobiya

Maamulka Somaliland ayaa shalay ku wareejiyay dawlada Itoobiya baabuur lala soo baxsaday intii rabshaduhu ka socdeen Dawlada Degaanka Soomaalida Itoobiya.

Gawaariddaan ayaa tiradoodu dhan tahay 12 baabuur oo kala duwan, Waxaana lagu soo kala qabtay Gobolada Togdheer, Awdal, Gabilay iyo Maroodijeex.

Wasiirka Arimaha Gudaha Somaliland Maxamed Kaahin Cabdi iyo Taliyaha Booliska Somaliland Sareeye Gaas Cabdilaahi Fadal Iimaan oo goobjoog ka aha wareejinta Gawaarida waxa ay sheegeen inay heegan ku jireen intii qalaasuhu ka socday Jigjiga ayna isha ku hayeen gaadiidka soo talaabaya sidoo kale waxay u mahad celiyeen ciidamada Booliska Somalilad sidii wacnayd ee ay uga hawlgaleen soo qab qabashada Baabuurtan.

Wakiilka dowladda Itoobiya u qaabilsan Somaliland Mr. Berhe Tesfaye sheegay in xukuumada Somaliland usoo qabqabatay gaadiidka lala soo baxsaday ee shalay la wareejiyay isagoo si gaara ugu mahadceliyay ciidamada Booliska Somaliland.

WASIIRKA ARRIMAHA GUDAHA IYO DUQA MUQDISHO OO KULAN YEESHAY

Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) oo xafiiskiisa kula kulmay Wasiirka Arrimaha Gudaha iyo Federaalka Xukuumadda Federaalka Soomaaliya Mudane Cabdi Maxamed Sabriye ayaa warbixin ka siiyey Waxqabadka maamulka Gobolka ee lixdii bilood ee la soo dhaafay.

Guddoomiyaha Gobolka Banaadir ayaa sheegay in ay dardar gelinayeen dadaallada horumarinta adeegyada muhiimka u ah dawlad wanaagga, iyadoo la isku soo dhaweeyey maamulka iyo bulshada.

"Wasiirka Arrimaha Gudaha waxaan warbixin ka siinay waxyaabaha maamulka Gobolka Banaadir u qabsoomay Lixdii bilood ee ugu danbeeyey, gaar ahaan, ammaanka, arrimaha bulshada, dhismaha Golleyaasha deegaanka, maamul wanaagga, koboca dhaqaalaha iyo siyaasadda, Arrimaha Barakacayaasha oo mudnaan siinay iyo shaqo abuurka dhalinyarada”.

Wasiirka Arrimaha Gudaha iyo Federaalka Soomaaliya Mudane Cabdi Maxamed Sabriye ayaa dhankiisa boggaadiyey waxqabadka muuqda ee maamulka Gobolka Banaadir la yimid mudadii koobneyd ee uu jiray, waxuna tilmaamay muhiimadda ay bulshada u leedahay in maamulka loo dhaweeyo.

Dhinaca kale, Duqa Muqdisho Mudane Cabdiraxmaan Cumar Cusmaan (Eng. Yarisow) ayaa qaabilay Safiirka Dawladda Shiinaha u fadhiya Soomaaliya Amb. Qin Jian, waxana ay ka wada hadleen sidii ay door uga qaadan lahaayeen dibudhiska iyo horumarinta Caasimadda.

XILDHIBAANADA LABADA AQAL EE KA SOO JEEDA GALMUDUG OO MOWQIF CAD KA QAATAY KHILAAFKA KA JIRA GALMUDUG

Xildhibaanada Labada Aqal ee Baarlamaanka Federaalka ee laga soo doortay Galmudug ayaa mowqif cad ka qaatay khilaafka xilligan ka dhex jira Maamulka Galmudug, iyagoo soo saaray war saxaafadeed ka kooban saddex bog oo ay ku saxiixan yihiin Aqlabiyada Xildhibaanada iyo Senatada.

War saxaafadeedka ayaa lagu sheegay in Xildhibaanada ay la kulmeen Madaxweyne Xaaf, Madaxweyne kuxigeenka Maxamed Xaashi Carabey, Guddoomiyaha Baarlamaanka Cali Gacal Casir iyo beelaha cabashada qabay.

Xildhibaanada iyo Senatarada ayaa si cad u sheegay in qaabka loo hirgeliyay heshiiskii Jabuuti aanu aheyn si waafaqsan qodobadii heshiiskaas ku xusnaa, gaar ahaan qaabka la isugu daray labada Baarlamaan oo aan isku dheeli tirneyn iyo in aan la tixgelin awood qeybsigii beelaha reer Galmudug ku heshiiyeen.

Sidoo kale waxaa war saxaafadeedka lagu sheegay in Dastuur cusub lagu bedelay kii Galmudug, kaasoo si gaar ah loogu tixgeliyay dhinac ka mid ah dhinacyadii heshiiska galay, laguna qoray qodobo ka hor imaanaya dastuurka qaranka, isla markaana aan ka turjumeyn maslaxada beelihii wada dhistay Galmudug.

Waxaa kaloo Xildhibaanada iyo Senatarada laga soo doortay Galmudug ay sheegeen in mudada xil heynta Hey’adaha Fulinta iyo sharci dejinta ay kala egtahay bilaha June iyo July ee sanadka 2019.

Halkan hoose ka akhriso mowqifka Xildhibaanada iyo Senatarada Khilaafka Galmudug iyo go’aanka ay ka soo saareen:

WASAARADDA BOOSTADA OO U DIGTAY SHACABKA SOOMAALIYEED

Kadib markii saacadihii la soo dhaafay baraha bulshada shacabka Soomaaliyeed ay aad ugu hadal hayeen lambaro dibadda oo soo wacaya telefoonada ay wataan, kuwaasi oo ay cabsi ka muujiyeen ayaa waxa ay Wasaaradda Boostada Soomaaliya soo saartay digniin arrintan la xiriirta.

Wasaaradda ayaa qoraal ay soo dhigtay barteeda Facebooka waxa ay ku sheegtay inay soo gaartay cabashada dadweynaha oo ku saabsan lambaro ka imaanaya dalka dibaddiisa oo wata furaha +43 oo ujeedadooda ay tahay in lagu dhaco shacabka.

Waxa ay sheegtay Wasaaradda Boostada in ay xiriir la sameyneyso dalka laga leeyahay lambaradan, iyada oo kala shaqeyneysa sidii arrintan wax looga qaban lahaa.

Halkan hoose ka akhriso qoraalka ka soo baxay Wasaaradda Boostada Soomaaliya.

Wasaaradda Boostada, Isgaarsiinta iyo Teknoolojiyada waxaa soo gaaray cabashada dadweynaha oo ku saabsan taleefoonno ka imanaya dalka dibeddiisa oo wata furaha +43 kuwaas oo loogu talo galay in lagu dhaco shacabka Soomaaliyeed.

Wasaaraddu waxay la xiriireysaa dalka laga leeyahay lambarradan, iyadoo kala shaqeyneysa sidii arrintaan wax looga qaban lahaa.

Hase yeeshee, waxaan dadweynaha uga digeynaa inay ku kadsoomin lambarrada noocaan oo kale ah oo aysan dib u wicin maadaama ay lacag badan goosanayaan.

SHIR ARRIMAHA SOCDAALKA KU SAABSAN OO MUQDISHO KA FURMAY

Hey’adda Socdaalka iyo Jinsiyadda Soomaaliya, ayaa shalay magaalada Muqdisho ka furtay shir looga hadlayo wada shaqeynta hey’addaha ka howlgala albaabada Dalka laga soo galo ama looga baxo sida Xuduudaha dhulka, Garoomada diyaaradaha iyo Dekadaha.

Shirka oo furitaankiisa goob joog ay ka ahaayeen mas’uuliyiin kala duwan ayaa waxaa diiradda lagu saari doonaa sida ugu muhiimsan ee lagu adkeyn karo xiriirka wada shaqeyneyd ee ka dhaxeeya dhammaan hey’adaha ka howlgala meelaha wadanka laga soo galo.

Agaasimaha Hey’adda Socdaalka iyo Jinsiyadda Soomaaliya, gaashaanle sare Maxamed Aadan Koofi ayaa sheegay in u jeedka kulanka ay tahay helitaanka iskaashi buuxa oo dhex mara dhammaan laamaha howshoodu tahay albaabada dalka laga soo galo ama looga baxo.

Shirka ayaa waxaa ka qeybgalay, xeer ilaaliyaha guud ee qaranka, Dr. Axmed Cali Daahir, Taliyaha Ciidanka booliiska Soomaaliya, sareeyo gaas Bashiir Cabdi Maxamed, Wasiiru dowlaha wasaaradda amniga, Mudane Maxamuud Maxamed Boonow iyo mas’uuliyiin kale.

SOMALILAND OO GAWAARI LAGALA SOO BAXSADAY JIGJIGA KU WAREEJISAY ITOOBIYA

Maamulka Somaliland ayaa shalay ku wareejiyay dawlada Itoobiya baabuur lala soo baxsaday intii rabshaduhu ka socdeen Dawlada Degaanka Soomaalida Itoobiya.

Gawaariddaan ayaa tiradoodu dhan tahay 12 baabuur oo kala duwan, Waxaana lagu soo kala qabtay Gobolada Togdheer, Awdal, Gabilay iyo Maroodijeex.

Wasiirka Arimaha Gudaha Somaliland Maxamed Kaahin Cabdi iyo Taliyaha Booliska Somaliland Sareeye Gaas Cabdilaahi Fadal Iimaan oo goobjoog ka aha wareejinta Gawaarida waxa ay sheegeen inay heegan ku jireen intii qalaasuhu ka socday Jigjiga ayna isha ku hayeen gaadiidka soo talaabaya sidoo kale waxay u mahad celiyeen ciidamada Booliska Somalilad sidii wacnayd ee ay uga hawlgaleen soo qab qabashada Baabuurtan.

Wakiilka dowladda Itoobiya u qaabilsan Somaliland Mr. Berhe Tesfaye sheegay in xukuumada Somaliland usoo qabqabatay gaadiidka lala soo baxsaday ee shalay la wareejiyay isagoo si gaara ugu mahadceliyay ciidamada Booliska Somaliland.

MADAXWEYNAHA CUSUB EE ISMAAMULKA SOOMAALIDA ITOOBIYA OO GAARAY MAGAALADA JIGJIGA

Madaxweynaha Cusub ee Dowlad Deegaanka Soomaalida Itoobiya Mustaf Muxumed Cumar ayaa gelinkii dambe ee shalay gaaray magalada Jigjiga.

Mustaf Muxumad Cumar ayaa waxaa soo dhoweeyay boqolaal ruux oo ka mid ah shacabka magaalada Jigjiga iyo mas’uuliyiin ka mid ah maamulka DDSI.

Madaxweynaha DDSI Mustaf Muxumad ayaa ku sugnaa magaalada Addis Ababa tan iyo markii la magacaabay waxaana la dejiyay Madaxtooyada Jigjiga oo ay dhowaan ammaankeeda la wareegeen ciidamo Milatari ah.

Shacabka Soomaalida Itoobiya ayaa u riyaaqay hadalo ka soo yeeray madaxweynaha cusub,isagoo sheegay in la bedelayo calanka iyo astaanka calanka iyo weliba magaca deegaanada ay Soomaalida ka degto dalka Itoobiya.

Jabhada mucaaradka ONLF ayaa sidoo kale soo dhoweysay hogaamiyahan cusub iyagoo sheegay inay isku mowqif yihiin.

Madaxweyne Mustafa ayaa lagu wadaa in uu shir guddoomiye kulan loogaga hadlayo mustaqbalka Ismaamulka Soomaalida Itoobiya kaasoo la filayo in uu dhowaan ka furmo magaalada Jigjiga.

WASIIRKA QORSHEYNTA OO MAGACAABAY XOGHAYE JOOGTO AH IYO AGAASIME

Wasiirka Wasaaradda Qorsheynta dowladda Soomaaliya Jamaal Maxamed ayaa Magacaabay Agaasimaha guud ee Wasaaradda Qorsheynta ka dib Markii xilka laga qaaday Agaasimihii hore.

Wasiirka ayaa sameeyay Magacaabistii ugu horreysay tan iyo Markii uu xilka qabtay , Waxaana horay u dhici jirtay Shaqo joojin lagu sameeyo Agaasimeyaasha , Xoghayaha Joogtada ah ka dib Magacaabis ka dhalato.

Wasiir Jamaal ayaa Xoghayaha Joogtada ah ee Wasaaradda Qorsheynta umagacaabay C/qaadir Axmed Warsame, waxaa xilkaas hayay oo laga qaaday Cabdi Diirshe.

Waxaa uu sidoo kale uu Agaasime u magacaabay Asad Yuusuf Afrax oo ahaa La Taliyihiisa, waxaana booska loo magacaabay horay u hayay C/qaadir Axmed Warsame oo Xoghayaha Joogtada Wasaaradda noqday.

GUDDIGA DOORASHOOYINKA QARANKA OO DIIWAANGELIYAY XISBIYO CUSUB

Guddiga doorashooyinka Qaranka ayaa shalay diiwaangeliyey xisbiyo cusub kuwaasoo ka mid noqonaya xisbiyada la diiwaangeliyay ee ka jira dalka.

Illaa toddobo xisbi ayaa shalay la siiyay shahaadooyinka diiwaangelinta xisbiyada dalka iyadoo munaasabad kooban oo ka dhacday Xarunta Guddiga doorashooyinka ee magaalada Muqdisho.

Guddiga doorashooyinka ayaa waxa ay hore u diiwaangeliyeen 15 Xisbi, iyadoo haatan ay ay noqonayaan xisbiyada siyaasadeed ee la diiwaangeliyay illaa iyo 22 xisbi.

Dhowaan ayaa ra’iisul wasaare ku xigeenka dowlada federalka Soomaaliya sheegay in dhowaan lagu dhowaaqi doono xisbi siyaasadeed uu guddoomiye ka yahay Madaxweyne Farmaajo.

Diiwaangelita xisbiyadan cusub ayaa ku soo beegantay xilli uu dhowaan dhaliilay mid ka mid ah ra’iisul wasaarayaashi hore u soo maray dalka Maxamed Cabdi Yuusuf xisbiyada faraha badan ee la diiwaangelinayo, isagoo ku taliyay in saddex xisbi oo kaliya dalka uu yeesho.

MADAXWEYNAHA KENYA UHURU KENYATTA OO BOOQANAYA DALKA MARAYKANKA

Madaxweynaha dalka Kenya Uhuru Kenyatta ayaa gaaray magaalada Washington isagoo halkaas kula kulmi doona Madaxweynaha dalka Maraykanka Donald Trump.

Uhuru Kenyatta ayaa waxaa booqashada ku wehelinaya marwada madaxweynaha Kenya Margaret Kenyatta

Booqashada Madaxweynaha Kenya ee uu ku tegey dalka Maraykanka ayaa ah mid uu ugaga jawaabayo martiqaad uu u fidiyay Madaxweyne Trump.

Uhuru Kenyatta ayaa lagu wadaa in uu Maalinta Isniinta uu la kulmo Madaxweyne Trump iyagoo ka hadli doona sidii loo xoojin lahaa xiriirka labada dal.

Booqashadan ayaa ah tii labaad ee uu ku tago Madaxweynaha dalka Kenya Uhuru Kenyatta dalka Maraykanka tan iyo markii uu noqday Madaxweynaha dalka Kenya.

Uhuru ayaa ka mid ahaa madaxweynayaal ka qeybgalay shir uu isugu yeeray madaxda dalalka qaarada Afrika sanadkii 2014 Madaxweynihii hore ee dalka Maraykanka Barack Obama.

WASIIRKA QORSHEYNTA OO MAGACAABAY XOGHAYE JOOGTO AH IYO AGAASIME

Wasiirka Wasaaradda Qorsheynta dowladda Soomaaliya Jamaal Maxamed ayaa Magacaabay Agaasimaha guud ee Wasaaradda Qorsheynta ka dib Markii xilka laga qaaday Agaasimihii hore.

Wasiirka ayaa sameeyay Magacaabistii ugu horreysay tan iyo Markii uu xilka qabtay , Waxaana horay u dhici jirtay Shaqo joojin lagu sameeyo Agaasimeyaasha , Xoghayaha Joogtada ah ka dib Magacaabis ka dhalato.

Wasiir Jamaal ayaa Xoghayaha Joogtada ah ee Wasaaradda Qorsheynta umagacaabay C/qaadir Axmed Warsame, waxaa xilkaas hayay oo laga qaaday Cabdi Diirshe.

Waxaa uu sidoo kale uu Agaasime u magacaabay Asad Yuusuf Afrax oo ahaa La Taliyihiisa, waxaana booska loo magacaabay horay u hayay C/qaadir Axmed Warsame oo Xoghayaha Joogtada Wasaaradda noqday.

MADAXWEYNE FARMAAJO OO SAFARKIISII UGU DHEERAA KU TAGAYA DALKA SHIINAHA

Madaxweynaha Dowladda Federaalka ah ee Soomaaliya Maxamed C/llaahi Farmaajo ayaa horaanta bisha soo socota ee September tagi doona dalka Shiinaha, kaasoo noqon doonaa safarkiisa ugu dheeraa ee uu galo tan iyo markii loo doortay xilka Madaxweynaha.

Madaxweyne Farmaajo ayaa ka qeyb galaya Shirka Iskaashiga ee Shiinaha iyo Afrika oo 3da bisha September ka furmaya magaalada Beijing, kaasoo uu shir guddoominayo Madaxweynaha Shiinaha Ji Jinping.

Dowladda Soomaaliya ayaa la soo gaarsiiyay martiqaad rasmi ah, waxaana la filayaa in Madaxweyne Farmaajo safarkiisii u horeeyay ku tago Shiinaha, gaar ahaan magaalada Beijing oo uu shirka ka furmo doono.

Ka sokow Shir madaxeedka Afrika iyo Shiinaha ayaa waxaa jiri doonaan shirar kale oo ay yeelanayaan Ganacsatada ka socota Afrika iyo kuwa Shiinaha, sidoo kale wariyeyaal ka socda Afrika ayaa lagu casuumay shirkan.

Shirka Madasha Iskaashiga ee Shiinaha iyo Afrika oo saddexdii sano mar la qabto ayaa shirkii ugu dambeeyay waxaa sanadkii 2015 lagu qabtay magaalada Johannesburg ee dalka Koofur Afrika.

Shiinaha iyo Afrika ayaa leh xiriir qoto dheer iyo iskaashi dhaqaale oo aad u ballaaran, waxaana 10kii sano ee u dambeeyay sii xoogeysanayay saameynta Shiinaha ku lahaa Afrika oo dalal badan oo uu Mareykanka ka mid yahay kula loolamayay.

GOLAHA ADEEGGA GARSOORKA OO LA DHISAAYO

Baashe Yuusuf Axmed Guddoomiyaha maxkamadda sare ee dalka ayaa sheegay in la dhisi doono golaha adeegga Garsoorka oo aanan shaqeyn tan iyo wixii ka dambeeyay markii la kala diray sanadkii 2015.

Waxaa uu sheegay in shaqooyinka adeegga Garsoorka dalka ay muhiim u yihiin , islamarkaana dowladda Soomaaliya ay dadaal badan ku bixin doonto sidii loo helaa Golaha adeeggga Garsoorka.

Qorshaha dib u habeynta garsoorka ayuu sheegay inay qeyb ka tahay in la sameeyo golaha adeegga garsoorka, oo garsoorayaal Tayo leh kasoo muuqan doonaan.

Gudoomiyaha ayaa sidoo kale sheegay in maxkamadda sare ee dalka ay u sii shaqeyn doonto sidii maxkamadda Dastuuriga, haddii ay dhacdo in la isku qabto qodobo dastuurka kamid ah, inta laga dhisayo maxkamadaasi.

Bishii Maarso ee sanadkii 2015 ayaa Madaxweynihii hore ee Soomaaliya Xasan Sheekh Maxamuud, wuxuu kala diray guddigii golaha adeegga garsoorka, waxaana xilligaas qaadacay kala diristaas Golaha adeegga Garsoorka.

MUHAAJIRIIN LIX MAALMOOD LA HORTAAGNAA OO KA DEGEY TALYAANIGA

Muhaajiriinta oo ku xannibnaa markab joogay dekedda Sicily muddo lix maalmood ah ayaa loo ogolaaday inay ka soo degaan, taasoo soo afjartay ismari waagii u dhaxeeyey xukuumadda Talyaaniga iyo dalalka kale ee ku jira Midowga Yurub.

Talyaanigu wuxuu diiday inuu ogolaado in muhaajiriintaas badankood ay soo degaan, ilaa iyo inta xal laga gaarayo halka la gaynayo.

Goor dambe oo Sabtidii ah ayaa wasiirka arrimaha gudaha, Matteo Salvini, wuxuu shaaca ka qaaday in tiro baadariyaal ah ay ogolaadeen in ay qaabilaan.

Mr Salvini ayaa waxaa ku socda baaritaan ku saabsan kaalinta uu ku leeyahay ismari waaga.

Dacwad oogeyaasha Sicily waxay fureen baaritaan ku saabsan go’doomin qayrul sharci ah, xarig aan sharciga waafaqsanayn, iyo awoodda oo uu si xun u isticmaalay.

Waxa ay mudan doonaan 140 muhaajiriin ah, kuwaasoo badidood u dhashay Eritrea, ayaa dhalisay dibadbaxyo gudaha Talyaaniga ka dhacay todobaadkii hore oo dhan, waxayna arrintaas soo jiidatay indhaha caalamka.

Markabka oo la yiraahdo Diciotti ayaa yimid dekedda Sicily ku taalla ee Catania isniintii, laakin ilaa Sabtidii daraad ahayd, tiro aad u yar oo dad ah ayaa loo ogolaaday inay Talyaaniga galaan, waxaana ku jiray carruur aysan cidina la socon iyo dad xanuunsan, kuwaasoo laba ka mid ah la sheegay in ay qabeen cudurka qaaxada.

DARAJADA S.GUUTO OO LOO XIRAY GABADHII UGU HORREYSAY EE SOOMAALIYEED

Ra’iisul wasaaraha xukuummadda federaalka Soomaaliya mudne Xasan Cali khayre oo wakiil ka ah madaxweynaha jamhuuriyadda, Maxamed Cabdullaahi Maxamed (Farmaajo) ayaa darajada Sarreeye Guuto u xiray Zakiya Xuseen Axmed oo noqotay gabadhii ugu horreysay ee darajadaas ka gaarta ciidanka Soomaaliya.

Ra’iisul wasaaraha ayaa haweenka Soomaaliyeed ku bogaadiyay kaalinta muhiimka ah ee ay kaga jiraan dib u dhiska dalka, isaga oo sheegay in waqti dheer ay dadaal ugu jireen horumarinta qarannimada dalka, muhiimna ay tahay in loo qiro, si guusha qarannimada loo xaqiijiyo.

"Qaran quulaysanaya ma jiro haddii aan qayb waliba oo bulshada kamid ah xuquuqdeeda la siinin. Haddii gabdhaha Soomaaliyeed ay bulshada ka yihiin boqolkiiba konton oo aan duudsiinno xuquuqdooda, ma dhisi karayno Soomaaliya la tartami karta waddamada deriska ah”, ayuu yiri ra’iisul wasare Xasan Cali Khayre.

"Gabar walba oo Soomaaliyeed waxa aan leeyahay haku fekerina in aad noqotaan gabdho garaadda qaata, ee noqda madaxwaynaha iyo ra’iisul wasaarayaasha soo socda”, ayuu ra’iisul wasaaruhu hadalkiisa raaciyay.

Ra’iisul wasaare Xasan Cali Khayre waxa uu sidoo kale darajooyin u xiray saraakiil ka tirsan booliiska Soomaaliyeed oo tababarro ku qaatay gudaha iyo dibadda dalka si ay qayb uga qaataan dardar gelinta dadaallada adkaynta amniga dalka.

Agoosto 16, 2018 ayaa Madaxwayne Maxamed Cabdullaahi Maxamed (Farmaajo) waxa uu darajada Sarreeeye Guuto u dallacsiiyay Zakiya Xuseen Axmed una magacaabay taliye kuxigeenka Booliiska Soomaaliyeed, iyada oo noqotay gabadhii ee ugu horreysay ee derejadaas ka gaarta ciidamada ammaanka dalka.

TALLAABO LAGA QAADAYO CABDI MAXAMUUD CUMAR IYO ASXAABTIISA

Ra’iisul wasaaraha Itoobiya ayaa ka hadlay arrimo dhowr ah oo ay kamid tahay waxa laga yeelayo madaxweynihii hore ee dowlad degaanka Soomaalida Itoobiya, Cabdi Maxamuud Cumar.

Abiy Ahmed oo Warbaahinta la hadlay waxaa uu sheegay in dowladda ay qorsheynayso in ay tilaabo ka qaado Cabdi Maxamuud Cumar iyo Mas’uuliyiintii lasoo shaqeysay.

Waxaa uu tilmaamay in dhibaato badan ay geysteen, islamarkaana ay dowladda qorsheysay in Cabdi Maxamuud Cumar iyo Kooxdiisa laga qaado tilaabo waxgal ah oo looga samri karo dhibkii dhacay.

Hase yeeshee Abiy Ahmed ayaan cadeyn tallaabooyinka laga qaadayo madaxdaas nooca uu noqonayo waxana uu shirkiisa jaraa’id ku sheegay in mudadii uu talada hayay in isbedel dhinaca siyaasada iyo dhaqaalahaba la gaaray tan iyo markii uu maamulka la wareegay.

Abiy Axmed ayaa yiri "Tallaabo ayaa laga qaadayaa Cabdi Maxamuud Cumar iyo asxaabtiisa”

BOGGA CAYAARAHA

XOG: LIVERPOOL OO JAWAAB KA BIXSAY WARARKII SHEEGAYAY IN ISKA DIIDAY DALAB 2 BILYAN AH OO UU SHEIK KHALED BIN ZAYED AL NEHAYAN KULA WAREEGI LAHAA MULKIYADA REDS.

Waqtiyadii ugu danbeeyay waxaa soo baxayay warar sheegayay in mulkiilyaasha kooxda Liverpool ee ay iska diideen dalab 2 bilyan gini ah oo uu mulkiyada kooxda kagala wareegi lahaa ninka ay mulkiilaha Manchester City ee Sheikh Mansour ilmaadeerka yihiin ee Sheik Khaled Bin Zayed Al Nehayan.

Waxayna wararku sheegeen in shirkada Fenway Sports Group ee mulkiyada Liverpool iska lihi ay dalabkan iska diiday si ay kooxda u sii haystaan isla marakaana ay shaqadooda fiican u sii wadan karaan iyada oo maalqabeenka ree Abu Dhabi ee Sheik Khaled Bin Zayed Al Nehayan uu dalabkan ku hungoobay.

Laakiin kooxda Liverpool ayaa ka jawaabtay wararka xanta suuqa ee ay saxaafada England iyo aduunka isla dhex marayeen waxayna cadeeyeen in kooxda Liverpool ayna marnba iib ahayn balse ay u furan yihiin in ay bixiyaan saami kooban oo maal gaashi ah.

Press Association Sport ayaa fahansan in mulkiilayaasha Liverpool ay heleen xiisaha maal gashadaal doonayay in ay kooxda la wareegaan laakiin dalabyadan ayaa suurtogal noqon waayay markii mulkiilayaasha Liverpool ay gabi ahaanba meesha ka saareen in Reds ay iib ka tahay.

Shirkada Fenway Sports Group ayaa horumar wayn ku samaysay Liverpool tan iyo markii ay la wareegtay mulkiyada kooxda iyada oo xataa dib u balaadhin ku samaysay Anfield halka ay maal galin waali ah ku caawisay Jurgen Klopp kaas oo hadda haysta koox uu ugu tartami karo Premier league iyo Champions league.

Warka Liverpool ayaa lagu yidhi: "FSG waxay ahaayeen kuwo cad oo joogto ah- kooxdu iib ma aha. Laakiin markale mulkiyada kooxdu waxay u sheegtay si cad oo joogto ah in qodobo iyo xaaladO ku haboon aanu tix galin karno qaadashada maal galiye yar, haddii xidhiidhka noocani ahi uu sii kordhinayo danahyaga ganacsi ee meelo gaar ah oo suuqa ah oo la jaan qaadaysa horumarkii iyo korintaankii kooxda ee soo socday”.

Mulkiilayaasha kooxda Liverpool ayaan doonayn in ay kooxda iibiyaan balse waxay sida qoraalka ka muuqata u furan yihiin in saami ama share kooban ay bixiyaan si danaha ganacsi ee suuqa ay ugaga faa’iidaystaan maal gashiga ay saamigan ku iibin karaan.

Qorshaha mulkiilayaasha Liverpool ayaa la mid ah talaabadii uu sanadkii 2015 kii qaaday mulkiilaha kooxda Manchester City ee Sheikh Mansour kaas oo saami boqolkiiba 13% ah oo kooxdiisa ah ka iibiyay shirkad ree China ah isaga oo dhaafsaday aduun dhan £265 milyan gini.

Mulkiilaha Liverpool ee John Henry, gudoomaha kooxdiisa Reds ee Tom Werner iyo waliba madax waynaha Shirkada FSG ee Mike Gordon ayaan ku qancin dalabadyadii kooxdooda lagu doonayay ee maal gashi kaas oo uu u xilsaarnaa bank Allen & Company.

Shirkada Fenway Sports Group ee magaceeda loo soo gaabiyo FSG ayaa October 2010 kii kooxda Liverpool ku iibsaday 300 milyan gini oo kaliya waxayna Anfield ku balaadhiyeen 115 milyan gini halka markale ay qaybta 50 milyan gini ku dhisayaan xarun tababar oo cusub.

Laakiin shirkada Fenway Sports Group ayaa si laayableh ugu guulaystay inay Jurgen Klopp ka saxiixdeen heshiis lix sanadood ah isla markaana ay siiyeen lacagtii uu suuqa uga baahnaa isaga oo xagaagii 2016 oo kaliya kharash gareeyay 170 milyan gini halka sanadkan uu markale lacago rekoodh ah kula soo wareegay Virgil Van Dijk iyo Alisson Becker.

BUSQUETS OO SI LAMA FILAAN AH UGA JAWAABAY HADII GO’AANADA QAAR EE AALADA VAR AY YIHIIN KUWA LAYSKU HALAYN KARO

Isaga oo warbaahinta la hadlay kadib kulankii ay 1-0 uga badiyeen dhigooda naadiga Real Valladolid ayuu kusoo biiray Sergio Basquets xidigaha dhaleecaynaya garoonka kooxdaan, kaasoo dhowaan Roogga la dhigay.

Sidoo kale, laacibkaan ayaa wuxuu ka hadlay hanaanka cadaaladeed ee Aaaladda VAR, kaasoo uu sheegay inuu yahay mid xaqsoore ah.

Mar uu si gaar ah udul-istaagay gool ay Valladolid dhalisay daqiiqadihii ugu dambeeyay ee kulankii habeen hore, kaasoo VAR uu diiday ayuu ku tilmaamay Basquets inuu ahaa mid aanan "sharci ahayn”.

"Nasiib wanaag, goolkooda ma uusan ahayn sharci,” ayuu Basquets usheegay kulankaas kadib wariyaasha.

"VAR waa kan ugu cadaaladsan kubadda cagta. Mararka qaarkood waxay qaadeysaa talaabo aad jeceshay, marka kalena waxay siineysaa mucaaradkaaga.

Barcelona ayaa illaa iyo haatan waxay ka dheeshay La Liga labo kulan, kuwaasoo ay guusha ku heshay si wanaagsan, Basquets oo arrintaas ka hadlay ayaa wuxuu tilmaamay in kooxdiisa heer sarre ay tahay.

"Waxaan ku bilaabay horyaalka La Liga si wanaagsan, waxaana haysanaa Lix dhibcood,” ayuu Kabtan ku xigeenka Barcelona yiri.

ENGLAND - PREMIER LEAGUE

Watford 2 - 1 Crystal Palace

Fulham 4 - 2 Burnley

Newcastle United 1 - 2 Chelsea