Ma jiraan ilaa iyo Hada wax war ah oo ka soo baxay Saraakiisha Ciidamada Xoogga ee ku sugan Magaalada baardheere ee gobalka gedo,kaasi oo ku aadan Khasaaraha ka dhashay madaafiicda ay Dagaalamayaasha Al-Shabaab ku garaaceen Magaalada baardheere ee gobalka gedo.

Dhanka kale Warbaahinta ku hadasha Afka dagaalamayaasha Al-Shabaab ayaa waxaa ay baahiyeen in madaafiic ay ku garaaceen garoonka diyaaradaha ee magaalada baardheere ee ay ku sugnaayeen Ciidamada Itoobiya,iyagoona Sheegay in Khasaaro kala duwan ay gaarsiiyeen Ciidamadaasi.

Shalay ayay aheyd markii ciidamada Xoogga oo garab ka helaya Ciidamada Kenya ay Dagaal kula galeen Degaanka Fax faxdhuun ee gobalka gedo dagaalamayaasha Al-Shabaab,iyadoona dagaalkaasi uu ka dhashay khasaaro soo gaaray dhinacyadii halkaasi ku dagaalamay.

Hayeeshee xaalada degaanka fax faxdhuun ee gobalka gedo ayaa maanta waxaa ay ku waramayaan in ay degan tahay,iyadoona Ciidamada Xoogga ay dhaq-dhaqaaqyo ciidan ay ka wadaan degaankaasi.