Mr Carter ayaa ka ahaa madaxweyne dalka Maraykanka intii u dhexeysay 1977-1981kii ayaa horaantii sanadkan laa sheegay in uu hayo cudurka Kansarka waxana bishii hore dhakhaatiirtii daweynaysay ay sheegeen in dawooyinkii la siinayay uu jirkiisu si wanaagsan u qaadanayo.

Baaritaan lagu sameeyay Carter toddobaadkan ayaa lagu ogaaday in uu ka bogsaday cudurka Kansarka ee maskaxda ugaga dhacay.

Madaxweynihii hore ee Maraykanka Jimmy Carter oo ka soo jeeda Georgia kana mid ah xisbiga Dimuqraadiga ayaa aasaasay markii uu xilka ka dagay urur u ololeeya nabada waxana uu ku guuleystey abaalmarinta Nabada ee Nobel Peace Prize sanadkii 2002dii kadib markii uu dadaal xoog leh u galay sidii xalin lahaa khilaafaadka ka jirey caalamka iyo howlihii uu ka qabtay xuquuqda aadanaha iyo weliba dimuqraadiyada.