Dadka ku nool Magaalada Boosaaso, ayaa soo warinaya inay maqlayeen dhawaqa madaafiicda iyo rasaasta, maadaama jawiga Magaalada Boosaaso ay aheyd mid degan oo daryanka Madaafiicda la maqlaayay.

Lama oga Khasaaraha rasmiga ah ee ka dhashay dagaalkaasi dhexmaray ciidamada Puntland iyo ciidamadii Shabaabka ka tirsanaa ee weerarka soo qaaday.

Al Shabaab ayaa baraha Internet-ka ee ay wararka ku baahiyaan waxa ay ku sheegeen dagaalkasi inay qaadeen iyaga oo guulo ay ka gaareen sida ay Shabaabka sheegeen.

Dagaalkaan xalay ciidamada Shabaabka ay ku qaadeen fariisinka ciidanka Puntland ay ku leeyihiin Buuraha Galgala ee Gobolka Bari ayaa ku soo aadaya, iyadoo Taliska ciidanka Puntland uu sheegay inay ka feejigan yihiin weeraro kaga yimaada Shabaabka ku sugan Buuraha Galgala.

Shabaabka ku sugan Buuraha Galgala ayaa u kala jabay labo garab, garab taageersan Daacish iyo garab Shabaab fekerkooda weli ku taagan