Sawiro: Filimkii Cristiano Ronaldo Oo Lagu Soo Bandhigay London – Ferguson, Mourinho, Ancelotti Iyo Xiddigo Hore Oo Soo Xaadiray.
Xiddiga sannadka adduunka ayaa lagu sawiray isagoo rooga cas ku soo dhaweynaya Ferguson in ka yar 24 saacadood markii ay kooxdiisa Real Madrid guuldarro 3-2 ay ka soo gaartay Sevilla habeenkii axada.
Waxaa xaflada soo bandhigista filimka ka qeybgalay tababare Jose Mourinho, tababare Carlo Ancelotti, sidoo kale Radamel Falcao iyo xaaskiisa ayaa tagay, Ronaldo saaxiibadiisii hore ee United Gary Neville iyo Louis Saha ayaa iyagana sidoo kale xaadir ahaa.
Waxaana sidoo kale Ronaldo habeenkii xalayto ahaa dabaaldega noloshiisa kula biirtay hooyadiisa Maria Dolores iyo wiilkiisa shan jirka ah Cristiano Ronaldo.
Weeraryahanka ayaa u ogolaaday shaqaalaha filimka inay noloshiisa gaarka ah iyo tan banaankaba la socdaan muddo 14 bilood ah iyagoo ka soo saaray filimkaan oo lagu baahin doono caalamka oo idil. Waxaana filim duubista ay dhacday sannad muhim ah oo uu Real Madrid ka caawiyay hanashada La Decima oo ah koobkoodii 10aad ee Champions League.
Sawiro: Filimkii Cristiano Ronaldo Oo Lagu Soo Bandhigay London – Ferguson, Mourinho, Ancelotti Iyo Xiddigo Hore Oo Soo Xaadiray.
Ninkii berri u heysan jiray ruqsada inuu farxad ka dhaliyo Manchester United ayaa soo laabtay waxaana uu u soo labista sida James Bond. Cristiano Ronaldo ayaa ku soo noqday England xalayto waxaana ay dib ugu midoobeen gogosha cas macalinkiisii hor