Hayada Save the Childen ayaa sheegay in xaalada nolosha ee qaxootiga kusugan jasiiradaha Giriiga ay kasii dareyso tirada qaxootiguna ay sii kordheyso marba marka kasii dambeysa.

Waxaa sare u kacday tirada qaxootiga kunool jasiiradaha Lesbos, Chios iyo Samos ee dalkaasi Giriiga. In ka badan 150% ayay sare u kacday tirada qaxootiga ee meelahaa kunool marka bishaan iyo bishii hore laisu barbar dhigo.

Adeegyada aasaasiga ah iyo khadamaadka ayaa aad u xun ayadoo Save the Children ay sheegtay in qaxootigaa ay la' yihiin waxyaabaha nolosha aasaasiga u ah sida cunno ku filan, dhar iyo guryo iyo weliba musqulo.

Qaxootigaa ayaa u baahan in badbaado mujtamac ay helaan iyo in gurmad loo fidiyo.

Qaxootiga halkaa kusugan ayaa kakala yimid dalalka Suuriya, Ciraaq, Liibiya iyo dalal kale oo kuyaala Afrika.